У выніку паветранага нападу на партовую інфраструктуру ў Адэскай вобласці загінулі два чалавекі — ахоўнік і кіроўца грузавіка, заявіў кіраўнік абласной ваеннай адміністрацыі Алег Кіпер у тэлеграме.
Ілюстрацыйнае фота
«Яшчэ адзін чалавек, вахтавы матрос, атрымаў раненне», — піша Кіпер. Ён удакладніў, што ўдар быў нанесены па Адэскім раёне.
Раней аб начным нападзе на партовую інфраструктуру пад Адэсай паведамілі Паветраныя сілы УСУ. Па іх дадзеных, было задзейнічана чатыры кіраваныя авіяцыйныя ракеты Х-59/Х-69 і дроны, тры ракеты «не дасягнулі сваіх мэтаў».
Пашкоджанне ад абломкаў атрымалі складскія памяшканні, грузавы аўтатранспарт і грамадзянскі цеплаход, з-за пашкоджання судна адбылася ўцечка вадкасці, паведаміў Кіпер.
Каментары