Tracina pamiłavanych palitviaźniaŭ i tak pavinny byli vyjści na svabodu ciaham miesiaca
Kiraŭnik «Bajsoła» Andrej Stryžak u svaim telehram-kanale paviedamiŭ, što Słužbie chutkaj humanitarnaj dapamohi viadomyja 15 proźviščaŭ (+1 niepaćvierdžanaje), jakija daterminova vyjšli na volu ciaham apošnich dzion, a taksama praanalizavaŭ strukturu vyzvalenych.
Słužbie chutkaj humanitarnaj dapamohi viadomyja 15 proźviščaŭ (+1 niepaćvierdžany) palityčnych źniavolenych, što trapili pad vyzvaleńnie, paviedamiŭ Andrej Stryžak i pryvioŭ dadatkovyja ličby, jakimi ŭžo možna biaśpiečna padzialicca, pakolki imiony nie ahučvajucca:
Terminy, jakija zastavałasia prasiadzieć tym, pra vyzvaleńnie kaho viadoma:
5 čałaviek — u miežach miesiaca;
3 čałavieki — u miežach hoda;
5 čałaviek — u miežach 1,5—2 hadoŭ;
1 čałaviek — u miežach 2—3 hadoŭ;
1 čałaviek — bolš za 6 hod (Ryhor Kastusioŭ).
Siarod tych, chto byŭ daterminova vyzvaleny za apošnija dva dni, viadoma pra ciažki stan zdaroŭja tolki ŭ Ryhora Kastusiova.
Andrej Stryžak kaža nastupnaje:
— tracina palitviaźniaŭ, pra vyzvaleńnie jakich viadoma, vyjšli b na volu ciaham miesiaca (zrazumieła, što pamiatajem pra mahčymaść «bonusnaha» hadavoha termina pa KK 411),
— absalutnaja bolšaść vyzvalenych nie źjaŭlajucca ludźmi stałaha ŭzrostu ź ciažkimi zachvorvańniami,
— infarmacyja pra toje, što na volu vypuskajuć najbolš chvorych i starych, nie adpaviadaje rečaisnaści i źjaŭlajecca častkaj dziaržaŭnaj prapahandy.
Ličby, ad jakich strašna. Bolš za 280 tysiač biełarusaŭ atrymali pieršyja dazvoły na žyćcio ŭ ES u 2023. Bolš tolki va ŭkraincaŭ27
Kamientary
- Kab Kastusioŭ nie pamier za kratami. Bo jaho tam lekavać nichto nie źbirajecca. I zamaskiravana heta jaščie vypuskam asob jakija nieŭjaŭlajuć nijakaj škody łukašystam.
- Pakazać, što palaki iznoŭ "płachija". Badaj my pajšli vam na sastupki, a vy niejkija sankcyi ŭzmacniajecie biezpadstaŭna.
Rana radvacca. Tam tolki taktyčny raźlik.