Bolš za 80% biełaruskaj moładzi žyvie ŭ haradach i haradskich pasiołkach
U Biełarusi žyvie 1,6 młn maładych ludziej va ŭzroście ad 14 da 30 hadoŭ. Heta 17,8 pracenta ad ahulnaj kolkaści nasielnictva (aficyjnyja źviestki na 1 studzienia 2024 hoda), paviedamlaje BiełTA.
U bolšaści svajoj maładyja ludzi pa-raniejšamu addajuć pieravahu haradam i pasiołkam haradskoha typu, dzie siońnia pražyvaje 82,7 pracenta moładzi. Samym moładzievym rehijonam zastajecca Minsk, dzie astalavalisia 394 959 maładych ludziej, abo 24,3 pracenta ad ahulnaj kolkaści moładzi (pavodle danych na 1 studzienia). Za stalicaj iduć Minskaja (15,4%), Homielskaja (14,5%) i Bresckaja (14%) vobłaści.
Što da atrymańnia adukacyi, to ŭstanovy prafiesijna-techničnaj adukacyi, jak praviła, čaściej zakančvajuć chłopcy, čym dziaŭčaty. U 2023/2024 navučalnym hodzie ŭ roznych PTA navučalisia 63,1 tys. navučencaŭ, 66,2 pracenta ź jakich — chłopcy. Za anałahičny pieryjad navučańnie ŭ VNU prachodzili 52,4% dziaŭčat i 47,6% chłopcaŭ.
U 2023 hodzie va ŭzroście da 31 hoda šlub zaklučyli 32,8 tys. dziaŭčat i 28,7 tys. junakoŭ. Dziaŭčaty addajuć pieravahu stvarać siemji va ŭzroście 21-26 hadoŭ, a chłopcy — 23-28 hadoŭ.
Kamientary