Na rasijskim Jamale pasažyrski samalot pry pasadcy razłamaŭsia papałam
Rasijski pasažyrski samalot An-26 avijakampanii Utair zrabiŭ žorstkuju pasadku pobač z aeraportam Utrańni ŭ Jamała-Nienieckaj aŭtanomnaj akruzie. Pry pasadcy korpus samalota faktyčna pierałamaŭsia papałam, paviedamlajuć rasijskija miedyja.
Pavodle papiarednich danych, kamandzir samalota i druhi piłot atrymali traŭmy, taksama paciarpieła adna pasažyrka. Usiaho na borcie znachodziŭsia 41 čałaviek — 36 pasažyraŭ i piać členaŭ ekipažu.
Samalot vykonvaŭ čartarny rehijanalny rejs pa maršrucie pasiołak Sabieta — pasiołak Utrańni.
Pres-słužba avijakampanii nie ŭdakładniaje pryčyny avaryi. Telehram-kanał «Aviatorŝina» paviedamlaje, što, pa jahonych źviestkach, samalot zrabiŭ žorstkuju pasadku ŭ kiłamietry ad aeradroma — heta značyć, moh «pramachnucca» mima ŭźlotna-pasadačnaj pałasy.
Kanał paviedamlaje, što mieteaŭmovy pierad pasadkaj samalota rezka pahoršylisia: byŭ tuman i mocny viecier, vialikaja nizkaja vobłačnaść.
Vydańnie «Baza» miarkuje, što samalot moh raniej času vypuścić šasi i zakranuć aharodžu aeradroma.
Kali Kanapackaja stała całkam padkantrolnaja Łukašenku?16
Kamientary