35-hadovy žychar Lidy zahinuŭ u Mali — pajechaŭ kiroŭcam da vahnieraŭcaŭ
Alaksandru Žehzdrynu było 35 hadoŭ. U jaho była žonka i dźvie niepaŭnaletnija dački.
Asablivych prablemaŭ z zakonam u Alaksandra nie było. Adzinaje — jon u 17 hadoŭ źliŭ dziesiać litraŭ bienzinu ź niejkaj mašyny, a taksama skraŭ łabavyja ščotki i nakryŭku baka. Ale spravu zakryli za adsutnaściu składa złačynstva.
Pracy jon mianiaŭ časta. U bazach «Kibierpartyzanaŭ» z 2006 pa 2021 vidać bolš za dziesiać miescaŭ, pryčym pa roznych kirunkach. Žehzdryn pracavaŭ i kiroŭcam, i mieniedžaram. A z 2013-ha byŭ u kiraŭnictvie firmy z krasamoŭnaj nazvaj AAT «Bitkoin», śfieraj dziejnaści jakoj paznačany aptovy handal.
U červieni 2021-ha žycharu Lidy abmiežavali vyjezd ź Biełarusi pa pastanovie suda, ale za što — nieviadoma.
Alaksandr Žehzdryn. Fota ź jahonaj staronki Ukantakcie
Nieviadoma taksama, čamu jon zrabiŭ taki vybar, ale ŭ žniŭni 2023 hoda Alaksandr pajechaŭ na zarobki ŭ Rasiju.
Tam jon zaklučyŭ pracoŭny kantrakt, pavodle jakoha byŭ nakiravany ŭ Afryku ŭ jakaści kiroŭcy. U listapadzie 2023 hoda lidčanin raskazaŭ žoncy, što jedzie pracavać u Mali.
Rasijskija najmity pryjechali ŭ Mali jašče ŭ 2021-m hodzie pa zaprašeńni miascovaj chunty. A ŭ krasaviku 2024-ha stała viadoma, što Rasija pašyraje nabor na afrykanski kirunak, zaprašajuć i biełarusaŭ — maŭlaŭ, ryzykaŭ tam mieniej, čym va Ukrainie, tamu ludzi iduć.
Ale lidčaninu nie paščaściła. U studzieni 2024-ha jaho žoncy Viktoryi paviedamili, što Alaksandr Žehzdryn zahinuŭ ad ahniastrelnych ranieńniaŭ kala stalicy krainy, horada Bamaka — akurat tam znachodzicca baza vahnieraŭcaŭ. Cieła Alaksandra pieravieźli ŭ Biełaruś supracoŭniki PVK.
Hetaja publikacyja zroblenaja z dapamohaj Digital Intelligence Team. Heta OSINT-prajekt, jaki supracoŭničaje z Kibierpartyzanami i inšymi prademakratyčnymi strukturami dy prajektami, jakija padzialajuć demakratyčnyja kaštoŭnaści.
«Naša Niva» — bastyjon biełaruščyny
PADTRYMAĆMinistram kultury pryznačany artyst Rusłan Čarniecki
Ministram kultury pryznačany artyst Rusłan Čarniecki
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary