Грамадства77

35-гадовы жыхар Ліды загінуў у Малі — паехаў кіроўцам да вагнераўцаў

Аляксандру Жэгздрыну было 35 гадоў. У яго была жонка і дзве непаўналетнія дачкі.

Аляксандр Жэгздрын. Фота: Укантакце

Асаблівых праблемаў з законам у Аляксандра не было. Адзінае — ён у 17 гадоў зліў дзесяць літраў бензіну з нейкай машыны, а таксама скраў лабавыя шчоткі і накрыўку бака. Але справу закрылі за адсутнасцю склада злачынства.

Працы ён мяняў часта. У базах «Кіберпартызанаў» з 2006 па 2021 відаць больш за дзесяць месцаў, прычым па розных кірунках. Жэгздрын працаваў і кіроўцам, і менеджарам. А з 2013-га быў у кіраўніцтве фірмы з красамоўнай назвай ААТ «Біткоін», сферай дзейнасці якой пазначаны аптовы гандаль.

У чэрвені 2021-га жыхару Ліды абмежавалі выезд з Беларусі па пастанове суда, але за што — невядома.

@nashaniva 35-гадовы жыхар Ліды загінуў у Малі — паехаў кіроўцам да вагнераўцаў #беларусь #нашаніва #лида #ліда #гродно #новостибеларуси #всрб #армиябеларуси ♬ Criminals - F.O.O.L

Аляксандр Жэгздрын. Фота з ягонай старонкі Укантакце

Невядома таксама, чаму ён зрабіў такі выбар, але ў жніўні 2023 года Аляксандр паехаў на заробкі ў Расію.

Там ён заключыў працоўны кантракт, паводле якога быў накіраваны ў Афрыку ў якасці кіроўцы. У лістападзе 2023 года лідчанін расказаў жонцы, што едзе працаваць у Малі.

Расійскія найміты прыехалі ў Малі яшчэ ў 2021-м годзе па запрашэнні мясцовай хунты. А ў красавіку 2024-га стала вядома, што Расія пашырае набор на афрыканскі кірунак, запрашаюць і беларусаў — маўляў, рызыкаў там меней, чым ва Украіне, таму людзі ідуць.

Але лідчаніну не пашчасціла. У студзені 2024-га яго жонцы Вікторыі паведамілі, што Аляксандр Жэгздрын загінуў ад агнястрэльных раненняў каля сталіцы краіны, горада Бамака — акурат там знаходзіцца база вагнераўцаў. Цела Аляксандра перавезлі ў Беларусь супрацоўнікі ПВК.

Гэтая публікацыя зробленая з дапамогай Digital Intelligence Team. Гэта OSINT-праект, які супрацоўнічае з Кіберпартызанамі і іншымі прадэмакратычнымі структурамі ды праектамі, якія падзяляюць дэмакратычныя каштоўнасці.

«Наша Нiва» — бастыён беларушчыны

ПАДТРЫМАЦЬ

Каментары7

  • Типок Рагнарёк
    10.06.2024
    Свои же и грохнули этого джентльмена, может, даже окувалдировали.
  • Ёсік
    10.06.2024
    Цікавае прозьвішча. Зарабіць хацелася на людскіх пакутах, рэмба хрэнаў. У труну расейцы паклалі ўсе грошы?
  • Апостал
    10.06.2024
    Амінь

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

Памёр беларускі саксафаніст Віталь Ямуцееў

больш чытаных навін
больш лайканых навін

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Галоўнае
Усе навіны →