U homielskim skviery imia Hramyki pasadzili ŭ biełyja vializnyja kadki nievialikija kanstrukcyi ź viarbovych prutoŭ, jakija nahadvajuć palmy, piša vydańnie «Štodzień».
Źvierchu hetych «palmaŭ» znachodzicca pučok viarbovaha liścia. Pad imi vysadžanyja tradycyjnyja dla Homiela pietunii.
«Vierbavyja palmy» — adnosna novaja ideja dla łandšaftnaha dyzajnu. Heta nie dreva, a pieraplecienyja pruty, liście raście mienavita na ich, i jany puskajuć karani. Choć isnavańnie ŭ padobnaj formie naŭrad ci možna nazvać karysnym dla viarby.
Heta ŭžo nie pieršyja ekśpierymienty, jakija homielskija haradskija ŭłady prydumlajuć dla azdableńnia skviera. Doŭhi čas na jaho ŭskrainie stajali płastykavyja kanstrukcyi ŭ vyhladzie viadomych budynkaŭ z roznych miescaŭ śvietu. Ciapier jany znachodziacca na rekanstrukcyi.
«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady19
Kamientary