U Iranie 27-hadovaja śpiavačka vystupiła ź niepakrytaj hałavoj na kancercie, što zabaroniena praviłami krainy VIDEA
U Iranie stała papularnym zachaplalnaje videa iranskaj śpiavački, na jakim jana vystupaje ŭ pustoj zale pierad ujaŭnaj aŭdytoryjaj, piša ABCnews.com.
Parasta Achmadzi, śpiavačka i kampazitar, vystupiła na adnoj z tradycyjnych placovak Irana ŭ doŭhaj čornaj sukiency i z raspuščanymi vałasami — biez abaviazkovaha kansiervatyŭnaha ŭboru. Jana nazvała svoj vystup «kancertam u Karavan-Sarai» i ŭ sieradu ŭviečary tranślavała jaho ŭ pramym efiry na svaim kanale YouTube.
Za paŭtara dni paśla publikacyi videa nabrała amal 800 000 prahladaŭ na YouTube, a karotkaje tyziernaje videa z kancertu było prahledžana amal 3 miljony razoŭ u Instagram.
Da ranicy čaćviarha iranskija sudovyja orhany raspačali spravu suprać śpiavački i zdymačnaj hrupy, zajaviŭšy, što heta byŭ «niezakonny kancert».
Pa danych sudovaha infarmacyjnaha ahienctva Mizan, kancert «nie adpaviadaŭ pravavym i kulturnym standartam krainy».
U zajavie sudovych orhanaŭ nie ŭdakładniajecca, jakija abvinavačvańni mohuć być vyłučanyja suprać Achmadzi i zdymačnaj hrupy.
U toj čas jak kancert znachodzicca pad pahrozaj sudovaha rasśledavańnia, niekatoryja karystalniki sacyjalnych sietak nazvali vystup śmiełym aktam niepadparadkavańnia abmiežavańniam, jakija Isłamskaja Respublika nakładaje na žančyn u Iranie.
Siarod hetych abmiežavańniaŭ — zabarona žančynam śpiavać solna i demanstravać vałasy abo častki cieła, za vyklučeńniem tvaru i ruk, u hramadskich miescach.
Niekatoryja irancy ŭ sacyjalnych sietkach nazvali ŭčynak Achmadzi śmiełym i mužnym, a inšyja pachvalili jaje za vakalnaje vykanańnie. Zmahary za pravy žančyn zajavili, što kancert možna razhladać jak praciah žanočaha ruchu supracivu režymu, jaki pašyraje miežy ruchu za svabodu žyćcia žančyn.
Vyjšaŭ na svabodu 76-hadovy Siamion Dobkin, brat zasnavalnika EPAM7
Vyjšaŭ na svabodu 76-hadovy Siamion Dobkin, brat zasnavalnika EPAM
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary