U Minsku źbirajucca rekanstrujavać most cieraź Śvisłač na praśpiekcie Niezaležnaści i jašče niekalki mastoŭ
Pra toje, jakija puciepravody źbirajucca rekanstrujavać i adnavić u Minsku ŭ 2024-2025 hadach, raskazaŭ dyrektar «Mindarbuda» Siarhiej Panieŭ na naradzie ŭ Minharvykankamie, piša BiełTA.
Jon raskazaŭ, što raspracavana prajektnaja dakumientacyja pa rekanstrukcyi puciepravoda cieraz čyhunku pa vuł. Brest-Litoŭskaj, a taksama rychtujucca prajekty pa rekanstrukcyi mastoŭ cieraź Śvisłač pa praśpiekcie Niezaležnaści i vulicy Haładzieda.
Siarhiej Panieŭ dadaŭ, što pačałasia madernizacyja puciepravoda na praśpiekcie Žukava nad vulicaj Karła Libkniechta.
«Adzin kirunak užo całkam pierakryty. U červieni-lipieni płanujem zaviaršyć dobraŭparadkavańnie hetaha boku i mierkavana z kanca lipienia raspačniem raboty na druhoj pałovie. Da listapada ich zavieršym, ruch zapuścim u pačatku kastryčnika», — prainfarmavaŭ Siarhiej Panieŭ.
Taksama darožnyja słužby prystupili da kapramontu puciepravodaŭ na vuł.Daŭhabrodskaj nad vuł. Vaniejeva i cieraz čyhunku Minsk — Maskva, tamu da kanca hoda abjekty płanujecca ŭvieści ŭ ekspłuatacyju.
Adzin z najbolš składanych prajektaŭ — puciepravod na vuł.Vaŭpšasava cieraz čyhunku, praciahłaściu 300 m. Ciapier jon znachodzicca na padrychtoŭčym etapie, vyznačajecca časovaja schiema ruchu. Z ulikam abjomu rabot, u tym liku pa zamienie belek, zaviaršyć kapitalny ramont płanujecca ŭ nastupnym hodzie.
Akramia taho, viaducca raboty pa pradaŭžeńni vuł.Žukoŭskaha ad vuł. Aeradromnaj da vuł. Kižavatava (pa hetym učastku ŭ chutkim časie adkryjuć ruch), rekanstrukcyi vuł. Budsłaŭskaj, vuł. Kabuškina, vuł. Krupskaj i inš. Płanujecca pravieści rekanstrukcyju vuł. Cimirazieva ad Masiukoŭščyny da MKAD.
Kamientary