Dniami na tarhi vystavili były Pietrykaŭski mašynabudaŭničy zavod «Avanhard» z 57 abjektami nieruchomaści, jaki schavaŭsia siarod sosnaŭ i jalin na vielizarnym učastku ziamli. Hety z vyhladu zaniadbany abjekt na Homielščynie nie taki prosty, jak padajecca: pabudovy majuć unikalnuju historyju, piša «Anłajnier».
![](http://d3kcf2pe5t7rrb.cloudfront.net/img/w732d4webp1/photos/z_2024_05/4665a0a10bf239831d59cc521b0db649-ka4sp.jpg.webp)
Maštabnyja viekavyja budynki zhubilisia ŭ paleskaj hłušy, u Pietrykaŭskim rajonie, na poŭdzień ad pasiołka Mularaŭka. Kali vy vyrašycie pravieryć heta miesca na karcie, to pabačycie, što ŭ lasnym masivie jano adznačana jak sanatoryj i dziciačy azdaraŭlenčy łahier.
Reč u tym, što kaliści tut raźmiaščaŭsia sakretny «abjekt 600» — 396-ty połk rakietnych vojskaŭ stratehičnaha pryznačeńnia, jaki maskiravali pad «abjekty azdaraŭleńnia i adpačynku». Takaja hieahrafičnaja błytanina — zvyčajnaja praktyka dla savieckaj abaronnaj stratehii.
U 90-ja hady, kali abjekt całkam pierastaŭ funkcyjanavać pa pryznačeńni, techniku, rakiety, a taksama inšuju majomaść, jakaja ŭjaŭlaje kaštoŭnaść, vyvieźli, a miesca pakinuli pustavać. Ale nienadoŭha. Paśla na terytoryi byłoha vajskłovaha haradka źjaviŭsia mašynabudaŭničy zavod «Avanhard», jaki pačaŭ aktyŭna vypuskać nie tolki aŭtamabili, ale i meblu.
![](http://d3kcf2pe5t7rrb.cloudfront.net/img/w732d4webp1/photos/z_2024_05/1c2f63c78b2fe7af07092a5a22c6ac7b-sicki.jpg.webp)
Spačatku pradukcyja pradpryjemstva karystałasia vialikim popytam pa ŭsioj krainie, ale praz peŭny čas jaho historyja taksama skončyłasia. U 2001 hodzie tut sprabavali vyrablać ciepłahienieratary i katły na draŭnianych adkidach, adnak krychu paźniej pradpryjemstva stała na paŭzu i z časam pryjšło ŭ zapuścieńnie.
Siońnia ŭłaśnikam hetych pabudoŭ ličycca AAT «Homsielmaš», jaki ŭ čarhovy raz sprabuje znajści praz aŭkcyjon novaha haspadara reštkam histaryčnych abjektaŭ.
![](http://d3kcf2pe5t7rrb.cloudfront.net/img/w732d4webp1/photos/z_2024_05/52a443ea03de2dd6dc365927bcd42fd1-scmoq.jpg.webp)
U skład łota ŭvachodziać 57 abjektaŭ nieruchomaści, uklučajučy 52 kapitalnyja budynki. Ahulnaja płošča prapanavanaj dla realizacyi terytoryi pieravyšaje 13 tysiač «kvadrataŭ». Tut jość navat dva pažarnyja vadajomy i pali filtracyi.
Pačatkovaja cana łota — 2736 rubloŭ, abo $850 pa kursie. Tarhi projduć 17 červienia, padać zajaŭku na ŭdzieł mohuć usie achvotnyja da 12 červienia.
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
![](http://d3kcf2pe5t7rrb.cloudfront.net/img/w450h300crop1webp1/photos/stock/latushka-efrrk.jpg.webp)
Kamientary