ABSIE admoviłasia nazirać za vybarami prezidenta Litvy. Admova źviazanaja ź Biełaruśsiu
Arhanizacyja pa biaśpiecy i supracoŭnictvie ŭ Jeŭropie vyrašyła nie adpraŭlać naziralnikaŭ na prezidenckija vybary ŭ Litvie. Pryčynaj stała toje, što litoŭskija ŭłady nie pahadzilisia, kab u ich misii ŭdzielničali delehaty ź Biełarusi i Rasii.
Pra svajo rašeńnie ABSIE abviaściła jašče 23 krasavika. U zajavie havaryłasia, što zaprašeńnie na vybary pradstaŭnikoŭ inšych dziaržaŭ źjaŭlajecca pakazčykam dyjałohu, na jakim i zasnavanaja arhanizacyja. Pramoje adchileńnie inšych krain-udzielnikaŭ ABSIE ad nazirańnia za nacyjanalnymi vybarami, maŭlaŭ, «supiarečyć praviłam», paviedamiła LRT.
«Litva, u adpaviednaści sa svaimi mižnarodnymi abaviazkami, zaprasiła krainy-ŭdzielnicy ABSIE nazirać za vybarami ŭ Litvie sioleta, za vyklučeńniem Rasii i Biełarusi, jakaja jaje padtrymlivaje», — prakamientavali situacyju ŭ litoŭskim uradzie.
Taksama tam zajavili, što Rasija i Biełaruś umiešvajucca va ŭnutranyja spravy Litvy, a zaprašeńnie ich pradstaŭnikoŭ nazirać za hałasavańniem było b «naśmieškaj nad demakratyjaj».
Hałasavańnie na prezidenckich vybarach u Litvie adbudziecca ŭ hetuju niadzielu, 12 traŭnia. A 8 traŭnia pačałosia daterminovaje hałasavańnie.
Za pasadu prezidenta Litvy zmahajucca vosiem kandydataŭ: dziejny prezident Hitanas Naŭsieda, jaki bałatujecca na druhi termin, premjer-ministr Inhryda Šymanicie, pradstaŭnik ad Partyi svabody Dajnius Žalimas, były namieśnik ministra abarony Hiedrymas Jahlinskas, staršynia Partyi pracy Andrus Mazuronis, doktar Eduardas Vajtkus, advakat Ihnas Viehiele i deputat Remihijus Žamajtajcis.
Łatuška pra 30 miljonaŭ jeŭra ad ES: Raniej za raźmierkavańnie adkazvaŭ Jahoraŭ. 33% išło na padtrymku rełakavanaha biznesu3
Kamientary