U Minsku padaraželi prajaznyja bilety. A kankretniej — prajaznyja na ŭsie vidy haradskoha hramadskaha transpartu: aŭtobusy, tralejbusy, tramvai, mietro i haradskija elektryčki. Źviazana heta z pavyšeńniem taryfaŭ na prajezd pa čyhuncy, piša «Blizka».
![](http://d3kcf2pe5t7rrb.cloudfront.net/img/w840d4webp1/photos/z_2024_05/content_proezdnoy_i_avtobus-cly70.jpg.webp)
Ceny na kvitki čyhunki vyraśli ŭ siarednim na 3,5-4%. U suviazi z hetym padaraželi i prajaznyja Minsktransa, sumieščanyja z haradskimi elektryčkami čyhunki.
Voś tablica novych cen.
![](http://d3kcf2pe5t7rrb.cloudfront.net/img/w732d4webp1/photos/z_2024_05/content_tarify_na_proezd_s_2024-04-30_-_4_-_02_05_2024-a8qkf.jpg.webp)
Takija ceny ŭžo dziejničajuć u kasach, naprykład, na stancyjach mietro.
![](http://d3kcf2pe5t7rrb.cloudfront.net/img/w732d4webp1/photos/z_2024_05/content_p5021403-n4mbr.jpg.webp)
Ci mocna padaraželi prajaznyja? Paraŭnajem na prykładzie samaha darahoha varyjantu: haradskaja elektryčka + inšyja vidy transpartu na 30 sutak.
- Elektryčka + mietro: było 107,40 rubla, stała 109,47 rubla (1,93%).
- Elektryčka + 1 vid naziemnaha transpartu: było 105,15 rubla, stała 107,22 rubla (1,97%).
- Elektryčka + aŭtobus + tralejbus + tramvaj + mietro: było 91,19 rubla, stała 92,43 rubla (1,36%)
Pry hetym užo amal hod (navat niahledziačy na niekalki chvalaŭ padaražeńnia prajezdu) zachoŭvajecca dziŭnaja nieadpaviednaść: prajazny na ŭsie vidy kaštuje tańniej, čym prajazny na 2 vidy transpartu.
Źviarnicie ŭvahu, što prajazny na 5 vidaŭ (elektryčka + aŭtobus + tralejbus + tramvaj + mietro) kaštuje 92,43 rubla, a prajazny na 2 vidy (elektryčka + mietro) — 109,47 rubla. Roźnica składaje 18%. Heta tendencyja zachoŭvajecca i dla prajaznych na karaciejšyja terminy: 3, 5, 10 sutak.
Kamientary