U Rastoŭskaj vobłaści trecija sutki haryć atakavanaja dronami naftabaza. Płošča pažaru tolki raście
Ahniom achoplena ŭžo 10 tysiač kvadratnych mietraŭ. Pa niekatorych danych, harać 22 cysterny z palivam.
![](http://d3kcf2pe5t7rrb.cloudfront.net/img/w840d4webp1/photos/z_2024_08/1-zei7y.jpg.webp)
U Praletarsku Rastoŭskaj vobłaści ŭžo trecija sutki haryć naftabaza, jakuju 18 žniŭnia atakavali bieśpiłotniki.
Ahniom achoplena ŭžo 10 tysiač kvadratnych mietraŭ. Pa danych miascovych ŚMI, u tušeńni pažaru zadziejničany bolš za 500 čałaviek. Pry hetym pažarnyja nie mohuć łakalizavać ahoń, płošča pažaru raście.
Pavodle infarmacyi blizkaha da rasijskich siłavikoŭ kanała Baza, ahniom achopleny 22 cysterny z palivam. Hareć jany buduć jašče niekalki dzion.
Słupy dymu bačnyja ŭ susiednich rajonach. Nieba ŭ samym Praletarsku afarbavana ŭ šery koler.
Naftabaza ŭ Praletarsku Rastoŭskaj vobłaści była atakavanaja bieśpiłotnikami 18 žniŭnia. Pryčym miascovyja ŭłady zajaŭlali pra dźvie chvali napadaŭ dronaŭ, jakija rasijskija SPA nibyta adbili. Adnak u vyniku ataki pačaŭsia mahutny pažar, jaki nie mohuć patušyć dahetul.
Kamientary