Kultura55

U Hrodnie z Novaha zamka prybrali miemaryjalnuju šyldu Kaściuški

Sa ściany Novaha zamka ŭ Hrodnie źnikła draŭlanaja miemaryjalnaja šylda, pryśviečanaja znachodžańniu ŭ Hrodnie Tadevuša Kaściuški, zaŭvažyła Hrodna.life.

Miesca, dzie była šylda, pryśviečanaja Kaściušku. Krynica: Facebook / Ales Kirkevicz

Šylda raźmiaščałasia źleva ad centralnaha ŭvachodu ŭ Novy zamak i była pryśviečana padziejam paŭstańnia 1794 hoda. Tady ŭ zamku pracavała Paŭstanckaja paradkavaja kamisija, byŭ tam i kiraŭnik paŭstancaŭ Tadevuš Kaściuška. 30 kastryčnika 1794 hoda jon pravioŭ u karaleŭskim pałacy naradu z kiraŭnikami paŭstanckich atradaŭ Vialikaha Kniastva Litoŭskaha.

Šylda, pryśviečanaja Kaściušku, była ŭstalavanaja ŭ 1994 hodzie. Sa ściany zamka jaje źniali ŭ siaredzinie krasavika — tydzień-paŭtara tamu.

Šylda Kaściuški ŭ Hrodnie

Tak vyhladała miemaryjalnaja šylda. Fota: vedi.by

Heta ŭžo nie pieršy vypadak, kali ŭ Hrodnie zdymajuć pamiatnyja znaki hierojam biełaruskaj historyi, jakija pa tych ci inšych pryčynach nialubyja prarasijskim dziejačam.

Tak, letam 2023 hoda prarasijskaja aktyvistka z Hrodna Volha Bondarava chvaliłasia, što prasiła Hrodzienski harvykankam prybrać sa śpisu znakavych dla Hrodna ludziej u Centralizavanaj biblijatečnaj sistemie Hrodna Kastusia Kalinoŭskaha, a paśla i Tadevuša Kaściušku. Pieršaha jana nazvała «polskim terarystam», druhoha — «zmaharom za Polšču suprać Rasii». Pry hetym kulturu jana nazyvała vyklučna «kulturkaj». Abiedźvie zhadki źnikli z sajta CBS litaralna za paru dzion. 

11 lipienia 2023 hoda z terytoryi hrodzienskaha čyhunačnaha vakzała prybrali 30-hadovy pamiatny znak paŭstancam 1863 hoda. Jaho zamianili na pamiatnuju šyldu savieckim partyzanam. Tady Bondarava taksama chvaliłasia, što spryčyniłasia da źniknieńnia znaka. Paźniej stała viadoma, što pamiatny znak demantavali supracoŭniki Hrodzienskaj haradskoj žyllova-kamunalnaj haspadarki, a hrodzienskija čynoŭniki śćviardžali, što ničoha pra heta nie viedajuć.

Ciapier pamiać pra Tadevuša Kaściušku zachoŭvajecca ŭ hrodzienskim kafiedralnym kaściole Śviatoha Francyska Ksavieryja: tam raźmieščany dźvie miemaryjalnyja šyldy. Tablička z nadpisam pa-polsku 1917 hoda ŭstalavanaja da sotaj hadaviny z dnia jaho śmierci. Jašče adna ŭstalavanaja ŭ 2017 hodzie źleva ad hałoŭnaha ałtara kaścioła. Jana zroblena z admysłovaha škła i maje nadpisy na biełaruskaj, polskaj i anhlijskaj movach: «1817—2017. Tadevušu Kaściušku — udziačnyja naščadki».

Kamientary5

  • ktotyjestieś
    24.04.2024
    Biełaruś  - "Donbas" Rieči Pospolitoj... 
    T.n. "zmahary" dažie nie zamietili kak ich poimieli. Naobieŝali hosudarstvo vmiesto "kriesov" a połučili "hubiernii".   Šlachta javno nie za takoje podymała vosstanija i tieriała imuŝiestvo, svobodu i žizń.  
    Kak hovorił moj died "Niet chužie pana čiem byvšij chołop...."
  • Russkij dom v h.Hrodno (Riespublika Biełoruśsija)
    24.04.2024
    [Red. vydalena]
  • Josik
    24.04.2024
    Sikuny. Ad Kastuś Kalinoŭski, Tadevuš Kaściuška, Łarysa Hienijuš dy inšych prytomnaść stračvajuć, ale arhazmujuć ad lenin, stalin, łukašenka, pucin dy inšaj brydoty, jakija dla biełarusaŭ prynieśli tolki hora.

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Usie naviny →
Usie naviny

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

bolš čytanych navin
bolš łajkanych navin

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Hałoŭnaje
Usie naviny →