Žychary Hrodna paprasili ŭłady patłumačyć, kudy padzieŭsia pomnik paŭstancam 1863 hoda
Na sajcie ipetitions.by źjaviłasia pietycyja z patrabavańniem tłumačeńniaŭ ad čynoŭnikaŭ z Hrodzienskaha harvykankama, kudy i čamu źnik pamiatny znak paŭstancam 1863 hoda na čyhunačnym vakzale Hrodna.
Hramadzianie taksama cikaviacca ŭ čynoŭnikaŭ, dzie znak znachodzicca ciapier, dzie i kali jaho znoŭ ustalujuć. Padpisacca pad pietycyjaj možna da 30 lipienia.
Pakolki ŭsie dakumienty pa pamiatnych doškach i pomnikach pa zakonie pavinny prachodzić praź Ministerstva kultury, hramadzianie chočuć viedać, zhodna ź jakim rašeńniem ministerstva pamiatny znak demantavali.
Nahadajem, što miemaryjalny znak, pastaŭleny jašče ŭ 1995 hodzie znakamitym hrodzienskim skulptaram Uładzimiram Pancialejevym, źnik litaralna dniami, a na jaho miescy ciapier šylda ŭ honar savieckich čyhunačnikaŭ-padpolščykaŭ. Znak, vykanany z dubu, nahadvaŭ pra boj pamiž atradami Hrodzienskaj revalucyjnaj arhanizacyi i carskim vojskam, jaki adbyŭsia na vakzale 14 sakavika 1863 hoda.
Bondarava ŭ svaim telehram-kanale paviedamiła, što 10 červienia jana źviarnułasia ŭ Hrodzienski harvykankam z patrabavańniem demantavać «idała, jaki hieraizuje polskich terarystaŭ» na čyhunačnym vakzale, a taksama prybrać biełaruskaha nacyjanalnaha hieroja Kastusia Kalinoŭskaha, jakoha jana nazyvaje nie inačaj jak «miarzotnym masavym zabojcam pravasłaŭnaha nasielnictva», ź pieraliku znakavych dla horada pierson, što apublikavanyja na sajcie Centralizavanaj biblijatečnaj sistemy h. Hrodna.
Miascovyja ŭłady pasłuchmiana vykanali ŭsie patrabavańni ŭ nadzvyčaj karotki termin. Ale ŭličvajučy, što adnačasova była vyviešanaja šylda ŭ honar savieckich čyhunačnikaŭ-padpolščykaŭ, chutčej za ŭsio, hetaje mierapryjemstva było zadumana zadoŭha da zvarotaŭ infakazački.
Bondarava prysvoiła sabie źniščeńnie znaka ŭ honar paŭstańnia 1863 hoda i choča zamianić Kaściušku na Stalina
«Kažuć «nabi štości» — a ja im i prapanoŭvaju biełaruskuju tematyku». Tatu-majstar raskazaŭ, jak biełarusizavaŭ ludziej praz tatuiroŭki
Aŭhustoŭski kanał na biełaruskim baku abmialeŭ. Biełarusy vinavaciać palakaŭ, a palaki biełarusaŭ
Tur patłumačyŭ, što Łukašenka mieŭ na ŭvazie, kažučy pra pryznačeńnie dyrektaraŭ u pryvatnyja kampanii6
Kamientary