Usiaho płanujecca adpravić u armiju 10 tysiač čałaviek.
U aŭtorak, 23 krasavika, pačynajecca adpraŭka ŭ złučeńni i voinskija čaści Uzbrojenych sił, unutranych vojskaŭ MUS, orhanaŭ pahransłužby i dziaržaŭnaj biaśpieki junakoŭ, pryzvanych na terminovuju vajennuju słužbu, paviedamlaje Ministerstva abarony.
Pryzyŭ na terminovuju vajennuju słužbu i słužbu ŭ reziervie ŭ lutym — mai 2024 hoda pravodziŭsia ŭ adpaviednaści z ukazam Łukašenki ad 12 lutaha 2024 hoda.
Na terminovuju słužbu i słužbu ŭ reziervie ź lutaha pa maj pryzvany biełarusy, jakim spoŭniłasia 18 hadoŭ, biez adterminoŭki ad słužby, albo jakija stracili jaje.
Taksama ŭkaz praduhledžvaje pryzyŭ na słužbu ŭ reziervie pieršakurśnikaŭ z VNU ahrarnaha profilu, jakija majuć adterminoŭku, ale jakija pažadali prajści słužbu.
Taksama, akramia pryzyvu na słužbu ŭ vojsku, projdzie zvalnieńnie ŭ zapas vajskoŭcaŭ, jakija adsłužyli ŭ vojskach naležnyja terminy.
Pa źviestkach viedamstva, u pieršy dzień u vojski nakirujuć kala tysiačy pryzyŭnikoŭ. Jany papoŭniać šerahi sił śpiecyjalnych apieracyj, 72 Abjadnanaha navučalnaha centra padrychtoŭki praparščykaŭ i małodšych śpiecyjalistaŭ i Minskaj vajskovaj kamiendatury.
Usiaho na ŭkamplektavańnie Uzbrojenych sił, inšych vojskaŭ i voinskich farmiravańniaŭ u krasaviku — mai płanujecca nakiravać kala 10 tysiač čałaviek.
-
Milicyja vypadkova vykłała ŭnutrany dakumient z analizam miedyja. Voś kaho jany siońnia čytali i jakija ŚMI ličać niezaležnymi
-
U lutym biełarusy zmohuć padać dakumienty na polskuju studenckuju vizu biez papiaredniaj rehistracyi
-
Hienprakuratura zaviała kryminalnuju spravu na «Biełpoł» za vykradańnie bazy ź imionami členaŭ vybarčych kamisij
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ2
Kamientary