Biełaruś i Rasija damovilisia pra raspracoŭku sumiesnaha samalota
Damovu ab raspracoŭcy šmatmetavaha dvuchmatornaha samalota «Aśviej» padpisali vice-premjery Biełarusi i Rasii Piatro Parchomčyk i Dzianis Manturaŭ. Jaho płanujuć vyrablać na pradpryjemstvach Biełarusi.
![](http://d3kcf2pe5t7rrb.cloudfront.net/img/w840d4webp1/photos/stock/20231102-img_5548-2bnk3.jpg.webp)
Kiraŭnik rasijskaha ŭrada Michaił Mišuścin pierad padpisańniem pahadnieńnia zajaviŭ, što sumiesnaja vytvorčaść samalota dapamoža pahłybić intehracyju Biełarusi i Rasii, paviedamili «RIA Novosti».
Pra stvareńnie sumiesnaha samalota «Aśvieja» zahavaryli ŭ lutym. Tady paviedamlałasia, što technałahičny praces raspracoŭki samalota pačaŭsia na biełaruskich i rasijskich pradpryjemstvach. Miarkujecca, što dvuchmatorny šmatmetavy bort na 19 pasadačnych miescaŭ budzie vyrablacca z nula ŭ Biełarusi.
Pavodle płanaŭ, da 2026 hoda płanujecca vypuścić dva samaloty, da 2030-ha — 85-100 samalotaŭ. Kamiercyjnuju ekspłuatacyju bartoŭ źbirajucca pačać u 2028 hodzie.
Druhoha šancu ni Ukrainie, ni Biełarusi Pucin nie pakinie. Što čakaje akupavanyja terytoryi, kali Kijevu nie ŭdasca ich adbić
Pasoł Dźmitryj Kruty prapanuje karać pradpryjemstvy, jakija niedastatkova ekspartujuć u Rasiju
Pasoł Biełarusi ŭ Rasii nazvaŭ absurdam mierkavańnie pra stratu suvierenitetu z-za intehracyi z Rasijaj
Kamientary