Ahoń uspychnuŭ u 18:50 i chutka raspaŭsiudziŭsia pa ŭsim chramie.
Sabor pierad hetym znachodziŭsia na restaŭracyi, la ścien budynka byli ŭstalavanyja budaŭničyja ryštavańni. U krasaviku 2019 hoda budaŭniki pracavali na dachu budynka, sprabujučy adnavić histaryčny vyhlad špila.
Za karotki čas ahoń dasiahnuŭ adnoj ź viežaŭ sabora.
«Usio ciapier haryć. Ad draŭlanych kanstrukcyj — jany z adnaho boku 19-ha, a z druhoha boku 13-ha stahodździaŭ — ničoha nie zastaniecca», — tryvožna pisaŭ tady pradstaŭnik sabora pa suviaziach z hramadskaściu Andre Fino.
Pa pieršym časie pažarnyja byli niazdolnyja ničoha zrabić, bo vada ź ich brandspojtaŭ nie dastavała da miescaŭ uzharańnia. Hasić pažar Notr-Dam z pavietra niemahčyma, bo dach i sabor mahli abvalicca, kali abrynuć na jaho masu vady.
Na miesca padziej prybyli prezident Emmaniuel Makron i tahačasny premjer Eduar Filip.
Tady abvaliŭsia špil i častka dachu.
Padčas tušeńnia ahniu pažarnyja sprabavali vyratavać pradmiety mastactva i relikvii.
Pa słovach pradstaŭnika sabora, niekatoryja tvory mastactva byli vyniesienyja z budynka jašče da rekanstrukcyi, a bolšaja častka artefaktaŭ zastałasia ŭ ryźnicy. Bolšaść relikvij udałosia vyratavać. Asablivaja ŭvaha hramadskaści była pryciahnuta da losu «ciarnovaha vianka Isusa Chrysta», jaki ŭ vyniku akazaŭsia zachavanym.
20 krasavika śledčyja vyznačyli, dzie znachodziŭsia ačah uzharańnia. Paśla analizu fatahrafij i videa vidavočcaŭ jany zrabili vysnovu, što pažar pačaŭsia ŭ centralnaj častcy dachu, pobač z asnovaj špila i, chutčej za ŭsio, byŭ źviazany z restaŭracyjnymi pracami. Śledčyja taksama nie vyklučali, što pryčynaj uzharańnia mahło stać karotkaje zamykańnie.
Adnaŭleńnie zajmaje doŭhija piać hadoŭ. Sabor pavinny adkryć dla hramadskaści 8 śniežnia 2024 hoda.
Kali praz dva hady, 10 maja 2021 hoda, zahareŭsia kaścioł u Budsłavie, mnohija paličyli heta kiepskim znakam.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary