Śviet2222

Hałoŭny inviestar «Paŭnočnaha bieraha» pakidaje Biełaruś z-za sankcyj. Dla Łukašenki heta «stała navinoj»

Ahienctva Reuters sa spasyłkaj na blizkija da situacyi krynicy paviedamlaje, što Machamied Ali Ałabar, mahnat nieruchomaści Abjadnanych Arabskich Emirataŭ (AAE) i zabudoŭščyk znakamitaj Burdž-Chalify, inicyjavaŭ prodaž usich svaich biełaruskich aktyvaŭ, u liku jakich jość elitny i šmatfunkcyjanalny žyły kompleks «Paŭnočny bierah», jaki tolki-tolki pačaŭ budavacca ŭ Minsku. Na navinu adreahavali ŭ Łukašenki.

Zapłanavany vyhlad šmatmiljardnaha budaŭničaha prajekta žyłoha kompleksu «Paŭnočny bierah» u Minsku. Fota: Realt.by

«Hałoŭny inviestar šmatmiljardnaha prajekta North Waterfront («Paŭnočny bierah») u Minsku i kiraŭnik emirackaj kampanii Emaar Properties Machamied Ali Ałabar dasiahnuŭ papiaredniaj damovy ab prodažy ŭsich svaich aktyvaŭ u Biełarusi z-za sankcyj Zachadu», — piša Reuters sa spasyłkaj na dźvie blizkija da situacyi krynicy.

Akramia taho, dadatkovaj nahodaj dla sychodu Ałabara ź Biełarusi krynicy nazyvajuć jaho novy budaŭničy prajekt u Sierbii, jaki ładzicca ŭ supracoŭnictvie z amierykanskim biznesmienam Džaredam Kušnieram, ziaciem byłoha prezidenta ZŠA Donalda Trampa.

Sierbski prajekt Ałabara praduhledžvaje pierabudovu byłoj štab-kvatery juhasłaŭskaj armii ŭ Biełhradzie ŭ sučasny i vysokatechnałahičny žyły kompleks, pieradajuć krynicy Reuters.

Sam Ałabar admoviŭsia kamientavać Reuters pryčyny svajho sychodu ź Biełarusi i asobu patencyjnaha pakupnika jaho biełaruskich aktyvaŭ. U toj ža čas pres-słužba Łukašenki zajaviła, što dla taho rašeńnie Ałabara «stała navinoj», adznačaje ahienctva.

Dyrektar kampanii Emaar Properties Machamied Ali Ałabar. Fota: BiełTA

Nahadajem, što pad prajekt «Paŭnočnaha bieraha» Alaksandr Łukašenka ŭ 2021 hodzie vypuściŭ śpiecukaz №186 «Ab realizacyi inviestycyjnaha prajekta». U im inviestaru dajucca šmatlikija prefierencyi, hałoŭnaja ź jakich u tym, što ščylnaść zabudovy dazvolena pavialičyć amal udvaja vyšej za limitnuju normu, zaćvierdžanuju raniej roznymi ministerstvami.

Ekołahi aścierahalisia, što kali prajekt «Paŭnočny bierah» realizujecca ŭ tym vyhladzie, jaki abiacajuć inviestary, to centr stalicy Biełarusi, imavierna, budzie zadychacca ad pastajannaha smohu. Bo ščylnaść zabudovy budzie zalimitnaj (značna vyšejšaj za «Minsk-Śviet» abo «Majaka Minska»), a vyšynia budynkaŭ — bolšaj za 50 mietraŭ.

Sam «Paŭnočny bierah» jašče tolki-tolki pačaŭ budavacca na poŭnačy Minska. Dla jaho była vydzielena amal tysiača hiektaraŭ ziamli, a košt prajekta aceńvajecca minimum u 4 miljardy jeŭra (kala 15 miljardaŭ biełaruskich rubloŭ).

Całkam dabudavać ŭvieś kompleks płanavali da 2040 hoda. Na jaho terytoryi patencyjna zmohuć pražyvać bolš za 30 tysiač čałaviek.

Mapa zapłanavanaj zabudoŭli «Paŭnočnaha bieraha» ŭ Minsku. Fota: Onliner

Kamientary22

  • Hańba
    07.04.2024
    Zrada!!!
  • daviedka
    07.04.2024
    Jeśli dla samoho Łukašienko eto stało novosťju, to jeho sohłasije na prodažu aktivov nie połučałoś, a značit, pridiotsia płatiť dvadcať piať procientov ili jemu po zakonu pridiotsia konfiskovať u svoich arabskich druziej.
  • Pravdorub 54
    07.04.2024
    Vładielcy osobniakov po millionu dołłarov na ulicie Staniuty vzdochnuli s oblehčienijem!)
    ...a zria, riebiata! Siejčas tam nalepiat panielek a-la Kamiennaja Horka, otkaty vydany, nazad dorohi niet!)

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom12

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Usie naviny →
Usie naviny

«Dzieci hulali, a źmiaja płavała ŭ łužynie». U rajonie Barysava našeście hadziuk — kamunalniki nie reahujuć5

Pierasadžvacca ŭ inšy aŭtobus u čarzie na miažy bolš nielha? Zdajecca, tak3

Łukašenka prapanavaŭ adsiakać ruki tym, chto kradzie ŭ sielskaj haspadarcy6

Akademija navuk raspracavała instrukcyju pa źniščeńni «ekstremisckich» knih u biblijatekach11

«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA2

Hramadzianina Hiermanii prysudzili ŭ Biełarusi da rasstrełu15

Źnikłaha ŭ Polščy biełarusa znajšli ŭ Varšavie źbitym i biez dakumientaŭ10

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT32

bolš čytanych navin
bolš łajkanych navin

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom12

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Hałoŭnaje
Usie naviny →