«Ludzi nie pavinny dryžać na pracy i paśla pracy». Łukašenka vučyŭ novych kiraŭnikoŭ «sapraŭdnaj demakratyi»
Robiačy siońnia pryznačeńni, Alaksandr Łukašenka zahavaryŭ pra demakratyju, a taksama nastupnyja vybary.
«Zaŭtra vy pryjdziecie ŭ pracoŭnyja kalektyvy. Asabliva kiraŭniki rajonaŭ. Ja zaŭsiody raju padobnym ludziam, kiraŭnikam: u kožnaha člena kalektyvu pavinien być šanc. Tamu nie treba prychodzić z šaškaj nahała i siekčy tam. Nie tyja časy. Mazhi treba mieć, hałavu na plačach. Tady za vami pojduć ludzi. I kali niechta niedzie niedapracoŭvaŭ, dajcie jamu šaniec», — skazaŭ Łukašenka.
Akramia šancu, ludziam treba dać demakratyju, pryčym «sapraŭdnuju», zajaviŭ jon.
«Vy kiraŭnikami stanoviciesia vysokaha ŭzroŭniu. Ludzi chočuć žyć narmalna i dychać spakojna. Jany nie pavinny dryžać z ranicy da viečara na pracy i paśla pracy. Stvarycie narmalnuju atmaśfieru ŭ kalektyvie, dajcie mahčymaść ludziam siabie prajavić.
U nas pavinna być sapraŭdnaja demakratyja, kali ludzi žyvuć u zadavalnieńnie. A kali buduć u zadavalnieńnie pracavać, to i buduć žyć u zadavalnieńnie», — skazaŭ Łukašenka.
Pra demakratyju jon uzhadaŭ napiaredadni novych prezidenckich vybaraŭ, jakija pavinny prajści ŭ nastupnym hodzie i jakija, pa jahonych pryznańniach, tryvožać jaho.
«Hod palityčny. Vy viedajecie, voś ja da vas 2 hadziny čytaju poštu roznuju — pa ŚMI analityku, dakłady vyviedki, śpiecsłužbaŭ. Usie my, chłopcy, starajemsia znajści šlach.
Jakija b ni byli ŭ nas z vami adnosiny (ja vas łajaŭ, zdymaŭ z pracy i inšaje) — vy pavinny być dziaržaŭnymi ludźmi! Ni vy, ni ja asabista ničoha nie vartyja ŭ paraŭnańni z tym, što značyć dla nas suvierennaja i niezaležnaja Biełaruś. My pavinny jaje abaranić — svajoj pracaj, kryvioju, potym i svaim žyćciom!» — pavysiŭ staŭki Łukašenka.
Kamientary
Heta jon dakładna pra Biełaruś albo ŭsio ž taki pra svaju asabistuju uładu?