Siońnia — Dzień Voli. 106 hadoŭ tamu biełarusy ŭpieršyniu abviaścili niezaležnaść
Siońnia adznačajecca Dzień Voli. 106 hod tamu 25 sakavika (heta byŭ taksama paniadziełak) u 1918 hodzie va ŭmovach niamieckaj akupacyi ŭ Miensku była simvalična abvieščana niezaležnaść Biełaruskaj Narodnaj Respubliki.
Kali b nie było BNR, nie było b i BSSR. I mahło nie być niezaležnaj Biełarusi.
U Biełarusi na aficyjnym uzroŭni Dzień Voli nikoli nie adznačaŭsia, a zaraz va ŭmovach tatalnych represij adznačać jaho prosta niebiaśpiečna.
Usie aktyŭnaści adbyvajucca za miažoj, pryčym śviatkavańni pačalisia ŭ subotu.
U Vilni siońnia adbudziecca adrazu niekalki imprezaŭ.
9:00 — Akcyja pamiaci. Zbor na mohiłkach Rosy la kaplicy, naviedvańnie mahiły bratoŭ Łuckievičaŭ.
10:00 — Bieł-čyrvona-bieły aŭtaprabieh ad mohiłak Rosy da budynku Siejmu Litoŭskaj Respubliki.
12:00 — Ekskursija-špacyr «Vilenskija adrasy dziejačoŭ BNR». Rehistracyja
16:00 — Kruhły stoł Rady BNR u Vilni «Aktualnaść ideałaŭ 25 sakavika» z udziełam pradstaŭnikoŭ uładaŭ Litvy, biełaruskich inicyjatyvaŭ i žurnalistaŭ. Rehistracyja
18:00 — Mitynh, pryśviečany Dniu Voli, na Łukišskaj płoščy. Vykanańnie himna BNR i «Pahoni» biełarusami Vilni choram, razam z ansamblem «Homan». Fotavystava pra Biełaruski asobny bataljon u litoŭskim vojsku 1918—1923 hh. i momanty z sučasnaj vajny va Ukrainie.
18:30 — Śviatočny marš, pryśviečany Dniu Voli, (Łukiskaja płošča — Tauro gatvė — Mindaugo gatvė — Varta Śviatła — Naugarduko gatvė — Pylimo gatvė — Refarmackaja carkva).
19:15 — Kancert Volnaha choru ŭ Refarmackaj carkvie.
A 19-j pa minskim časie z Varšavy pačniecca žyvaja tranślacyja na YouTube-kanale «Hodna». Jana padzielenaja na muzyčnuju i infarmacyjnuju častki.
U muzyčnaj prahramie buduć udzielničać: J:Mors, Naviband, Šuma, Dzieciuki, Nochy, prajekt Volski
Vieści viečarynu buduć Liza Vietrava — pradstaŭnica kamandy «Hodna», papularnaja biełaruskaja błohierka, i Dzianis Dudzinski — viadomy televiadoŭca.
Poŭny raskład imprezaŭ
Čytajcie taksama:
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary