Usaŭ znajšoŭ nahodu ŭpiknuć Cichanoŭskuju — bo vykazała spačuvańni siemjam achviaraŭ teraktu
Palityk Pavieł Usaŭ, adzin ź lidaraŭ ruchu «Volnaja Biełaruś», adreahavaŭ na zvarot Śviatłany Cichanoŭskaj. Taja ŭviečary paśla teraktu ŭ Maskvie vykazała spačuvańni siemjam achviaraŭ.
«U Rasii adbyŭsia terakt, zahinuli kala 40 čałaviek, sotni paranienych. Niekatoryja, u tym liku pradstaŭniki biełaruskaj demapazicyi, dla pijaru ci pa staroj zvyčcy pačali vykazvać śloznyja spačuvańni.
«Ja vyražaju iskriennije soboleznovanija siemjam i blizkim pohibšich v etoj čudoviŝnoj trahiedii. I žiełaju zdorovja vsiem tiem, kto postradał» (Tichanovskaja).
Trahiedyja? Tak? Pa-čałaviečy?
Tady čamu b pa-čałaviečy štodnia nie vykazvać spačuvańni ukraincam, jakija hinuć ad rehularnych abstrełaŭ, kali ad rasijskich rakiet i bomb rujnujucca damy i cełyja harady. Što, užo z hetym zvyklisia? Statystyka? Vajna? Užo nie takaja trahiedyja?
U lubym vypadku hramadstva, jakoje padtrymlivaje vajnu i režym, niasie adkaznaść za złačynstvy i płocić kryvavuju canu. Nievinavatych niama», — napisaŭ palityk u svaim telehram-kanale.
Čytajcie taksama:
Łukašenka pra adklučeńnie internetu ŭ 2020-m: Kali heta paŭtorycca, adklučym zusim25
Kamientary