Zdareńni11

Dva vaśmikłaśniki vyrašyli pazabaŭlacca — zaraz ich čakaje sud za złosnaje chulihanstva

U sud nakiravana kryminalnaja sprava ŭ dačynieńni da 14-hadovych padletkaŭ, jakich abvinavačvajuć u złosnym chulihanstvie, raspaviali karespandentu «Minsk-Naviny» ŭ prakuratury Frunzienskaha rajona.

U toj viečar adzin z abvinavačanych zajšoŭ u hości da svajho adnakłaśnika, jaki pražyvaje ŭ hmachu na vuł. Lucynskaj. Spačatku chłopcy bavili čas za kampjutarnymi hulniami, a paśla hość zasumavaŭ i prapanavaŭ «paviesialicca», skidajučy pakiety z vadoj z bałkona 17-ha paviercha. Druhi padletak ideju padtrymaŭ. 

Chłopcy ŭziali pa dva fasovačnyja pakiety i da pałovy napoŭnili ich vadoj, paśla čaho, zaviazaŭšy, skinuli z bałkona. Adzin ź ich trapiŭ u łabavoje škło pryparkavanaha aŭtamabila. 

Praź niekalki dzion padletki znoŭ vyrašyli pazabaŭlacca takim ža čynam.

Spačatku jany napaŭniali pakiety vadoj, a paśla — supam i fiekalijami. Adzin ź ich pryziamliŭsia na aŭtamabil, jaki stajaŭ unizie, spracavała sihnalizacyja. 

U vyniku byli paškodžany dva aŭtamabili marki Renault i Volkswagen Transporter. Ahulnaja suma pryčynienaj ich uładalnikam škody skłała 4700 rubloŭ. Na niepaŭnaletnich raspačali kryminalnuju spravu. 

— Abvinavačanyja — navučency 8-ha kłasa adnoj sa staličnych škoł, raniej da kryminalnaj adkaznaści nie pryciahvalisia, — prakamientavaŭ namieśnik načalnika prakuratury Frunzienskaha rajona Andrej Sierbun. — Im pradjaŭlena abvinavačańnie va ŭčynieńni naŭmysnych dziejańniaŭ, jakija hruba parušajuć hramadski paradak i vykazvajuć vidavočnuju niepavahu da hramadstva, jakija supravadžajucca paškodžańniem čužoj majomaści, jakija adroźnivajucca pa svaim źmieście vyklučnym cynizmam, učynienych hrupaj asob (złosnym chulihanstvie), heta značyć u złačynstvie, praduhledžanym č. 2 art. 339 KK Respubliki Biełaruś. 

Hetym artykułam praduhledžana pakarańnie — aryšt abo abmiežavańnie voli na termin da troch hadoŭ, abo pazbaŭleńnie voli na termin ad adnaho da šaści hadoŭ.

Abodva abvinavačanyja vinu pryznali, u zroblenym raskajalisia. Naniesieny paciarpiełym materyjalnyja straty poŭnaściu kampiensavany.

Kamientary1

  • Biełarus
    18.03.2024
    Ja ŭ 94-m hałasavaŭ kab nie było takich zarałat, jakija mohuć tak lohka vyrašyć pytańnie takoha vializnaha štrafu. I voś na tabie - ahałcieły kapitalizm, dzie hrošy vyrašajuć usio.

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Cichanoŭskaja sustrełasia z prezidentam Sierbii Vučyčam3

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →