«Patrabavańni jak da kasmanaŭta, adnosiny jak da prysłuhi». Pradaŭcy raskazvajuć, čamu biahuć z prafiesii
Sajuz pradprymalnikaŭ i pracadaŭcaŭ Biełarusi zajaŭlaje pra krytyčny niedachop pradaŭcoŭ. U adkaz im ludzi, jakija pracavali ŭ handli, tłumačać situacyju sa svajho boku.
Sustaršynia Sajuza pradprymalnikaŭ i pracadaŭcaŭ Viktar Marhiełaŭ adznačyŭ, što pryčynaj niedachopu pradaŭcoŭ źjaŭlajecca źmianšeńnie kolkaści nasielnictva. Taksama ŭpłyŭ akazvaje ŭzrovień zarobkaŭ. Asabliva ŭ sielskaj miascovaści, jakaja adstaje ad bujnych haradoŭ. Da taho ž nasielnictva ŭ pošukach lepšych zarobkaŭ jedzie pracavać ci ŭ Rasiju, ci ŭ Jeŭropu.
U kamientarach pad adnym z rolikaŭ u tyktoku z hetaj navinoj ludzi, jakija raniej pracavali pradaŭcami, abmiarkoŭvajuć situacyju.
«Ciapier pradaviec pracuje i za kasira, i za hruzčyka, i za prybiralščycu, a zarobak jak u prostaha pradaŭca», — piša adna z karystalnic. Druhaja dadaje: «Jašče i achoŭnik».
Inšy karystalnik adznačaje, što pryčyna niedachopu pradaŭcoŭ — niepavažlivyja adnosiny da ich jak z boku pakupnikoŭ, tak i z boku kiraŭnictva. Pry vialikaj nahruzcy — nizki zarobak.
«Nizki zarobak, vializnaja nahruzka, patrabavańni jak da «kasmanaŭta», adnosiny jak da prysłuhi z boku kiraŭnictva i klijentaŭ, hrafik niazručny, usiu źmienu na nahach», — dadaje jašče adna žančyna.
«Pradaŭcy pracujuć pa 14 hadzin u bujnych mahazinach za zarobak u 800 rubloŭ. Pravierki i ad svaich, i ad dziaržaŭnych ustanoŭ. A ab pakupniku ŭvohule možna skazać… poŭnaja niepavaha», — dzielicca inšaja.
«Tam, dzie ja pracavała da piensii, na 4 adździeły 1-2 pradaŭcy + vykładka na zali + terminy. I pravierki, ček-list, tavarystva, tajnik, sanstancyja i h.d. I zarobak 1000 r.», — daviedvajemsia jašče z adnaho kamientara.
«U mianie ŭ mahazinie na 3 pradaŭcy: 1 dyrektar, 1 administratar, 1 buchhałtar. Adhadajcie, u kaho zarobak ad 1,5 da 3 tysiač, a ŭ kaho 700 rubloŭ?» — dadaje farbaŭ jašče adna žančyna.
«Praca ciažkaja, nahruzka vialikaja. Moładź cierpić, ale zvalniajecca z-za nizkaha zarobku. Ciažka pracavać u sietkavych mahazinach dva praz dva pa 12 hadzin», — dzielicca nazirańniami jašče adzin karystalnik.
Ź im spračajecca inšy: «Dva praz dva? Piać praź dzień, šeść praz adzin pa 15 hadzin».
«Sietki pradaŭcoŭ uvohule za ludziej nie ličać», — dadaje jašče adzin karystalnik. Jaho dapaŭniaje inšaja žančyna: «Tak jašče i padmanvajuć. Siabroŭka ŭładkavałasia ŭ «jeŭryk» («Jeŭraopt». — NN) Havaryli, što budzie 800, a ŭ vyniku 600 z avansam».
Adna z žančyn nie strymała emocyj: «Niachaj płaciać narmalna!!! A nie kapiejki kidajuć!!! I za niedastaču ŭ mahazinie niachaj strachoŭka pakryvaje! A to pryvykli, što z nas možna zajmieć usie vydatki i sabie ŭ kišeniu pakłaści!!!»
«A moža, prablema ŭ inšym, što ludzi pracujuć pa 15 hadzin, niedachop pierakryvajuć svaimi vychodnymi, a pa zakonie im dvajnuju apłatu nichto nie płacić. Pa vyniku za dadatkovuju źmienu ty atrymlivaješ mieniej, čym za pracoŭnuju», — piša jašče adna žančyna.
«Pracuju zahadčycaj adździeła. Prymaju mašyny, zakryvaju nakładnyja, u kasie, i staŭlu małako, adrazu myju i padłohu, zdymaju kasy, zakryvaju mahazin. Hrafik 7-23. Nie rabota, a kazka. Prosta bałdzieju. Imknusia biez vychodnych. Ahoń», — iranizuje inšaja.
Adzin z karystalnikaŭ prapanuje: «Spadar Marhiełaŭ, moža, raskaža prablemu pra 15-hadzinny pracoŭny dzień na nahach, jak tonami ciahać tavar, za ŭsio płacić, što zhniło i pajšło ŭ praterminoŭku. Nu i ludzi, jakim dazvolena ŭsio».
Čytajcie jašče:
Biznes-sajuz zajaviŭ pra krytyčny niedachop u Biełarusi pradaŭcoŭ
«Kury ciažkija, kryłami adbivajuć ruki». Jak pracujuć łaŭcy kur z zarobkam ad 2000 rubloŭ
Dziaŭčyna straciła pracu paśla taho, jak paprasiła ŭ kiraŭnika daviedku ab dachodach
Dvajniki viadomych biełarusaŭ. I nie kažycie, što nie zadumvalisia pra ich padabienstva8
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary