Hruzčyka zvolnili ź sietki za raźbituju skryniu šampanskaha, a jon zdoleŭ adsudzić maralnuju kampiensacyju
U kancy 2022 hoda mužčyna ŭładkavaŭsia hruzčykam u kramu «Kapieječka». Prykładna praź miesiac tam upała skrynia šampanskaha. A 30 sakavika hruzčyka zvolnili, adnak jon nie pahadziŭsia i pajšoŭ u sud, piša Onliner.by.
Hruzčyk byŭ zvolnieny «za ažyćciaŭleńnie dziejańniaŭ rabotnikam, jaki niepasredna absłuhoŭvaje hrašovyja i materyjalnyja kaštoŭnaści». Heta abhruntoŭvałasia tym, što jaho dziejańni stali padstavaj dla straty davieru da jaho z boku najmalnika.
Mužčyna paličyŭ, što zvalnieńnie niezakonnaje, prasiŭ sud adnavić jaho na pracy, spahnać z adkazčyka siaredni zarobak za čas vymušanaha prahułu plus 3000 rubloŭ kampiensacyi maralnaj škody, a taksama sudovyja vydatki.
Što vyrašyŭ sud Leninskaha rajona Minska:
- zvalnieńnie niezakonnaje;
- mužčynu treba adnavić na pracy;
- vypłacić kampiensacyju za vymušany prahuł — 622,95 rubla;
- pakryć maralnuju škodu — 100 rubloŭ.
Sud pryjšoŭ da vysnovy, što mužčyna nie chavaŭ, što raźbiŭ šampanskaje, i pahadziŭsia pakryć škodu. Tamu jaho dziejańni nie mohuć być padstavaj dla straty davieru z boku najmalnika.
Adkul tut maralnaja kampiensacyja?
Rabotnik zvolnieny niezakonna, pa dyskredytujučych padstavach, tak što sud paličyŭ abhruntavanym dovad mužčyny ab maralnych pakutach. Praŭda, kampiensacyja akazałasia značna mienš za zapytanuju.
Adkazčyk padaŭ apielacyjnuju skarhu. Sietka dakazvała, što vysnovy suda nie zasnavanyja na daśledavanych abstavinach spravy, pakazańniach bakoŭ i śviedak.
Sudovaja kalehija pa hramadzianskich spravach Minskaha haradskoha suda nie znajšła padstaŭ, kab admianić rašeńnie. Źmianili tolki sumu siaredniaha zarobku za čas vymušanaha prahułu — 1202,85 rubla.
Rašeńnie suda ŭstupiła ŭ zakonnuju siłu.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary