«Kury ciažkija, kryłami adbivajuć ruki». Jak pracujuć łaŭcy kur z zarobkam ad 2000 rubloŭ
Siužet u tyktoku ab vakansii łaŭca ptušak u Smalavičach vyklikaŭ burnuju dyskuju ab umovach pracy i realnaści pamieru zarobku.
Jak my pisali, abjava ab pošuku łaŭcoŭ ptušak była raźmieščana ŭ adnym z vahonaŭ ciahnika staličnaha mietrapalitena.
U joj udakładniajecca, što hrafik pracy — tydzień praz tydzień. Zarobak — ad 2000 rubloŭ. Rabotnikaŭ dastaŭlajuć ź Minska słužbovym transpartam. Im abiacajuć sacyjalny pakiet i materyjalnuju dapamohu na charčavańnie.
Paźniej u niekatorych tyktok-akaŭntach źjavilisia siužety na hetu temu. U ich apisvajecca, što rabotniku pradpryjemstva treba brać u achapak pa 7 žyvych dvuchkiłahramovych ptušak i nieści ŭ skryni. Pracoŭny dzień składaje 15 hadzin.
Videa nie zastałosia biez uvahi. Pad imi zjaviłasia šmat kamientaroŭ ludziej, jakija, pa ich słovach, pracavali na pradpryjemstvie «Smalavičy Brojler».
Mužčyna, jaki adpracavaŭ na pradpryjemstvie miesiac, udakładniaje: «A 5-j ranku vyjezd na pracu. U najlepšym vypadku ŭ 23:00 u internacie…. Praca 7 praz 7. Možna 3 praz 3». Jon ža dzielicca nastupstvami takoj pracy: «Paściranyja ruki, vybityja palcy, niedasyp, vielmi ciažkija ŭmovy pracy. Ale apłata pracy, jak i abiacajuć».
Jaho słovy paćviardžaje inšy rabotnik: «Z 7-j ranku pracujuć da 8-j viečara. Byvaje čuć paźniej. Zarobak 2300. Praca vielmi ciažkaja. Zaboj pa 180 tysiač (kurej — «NN»)».
«Heta piekła. Pracuješ na znos. Kury ciažkija, kryłami prosta adbivajuć ruki. Tam uvieś anhar u brojlerach. Smurod, pył i h.d. Łoviš pa 5-6 štuk adrazu i ŭ skryniu. Bieź pierakuraŭ. I tak uvieś dzień», — dadaje farbaŭ inšy.
Adzin z byłych supracoŭnikaŭ zaŭvažaje, što na pradpryjemstvie da rabotnikaŭ adnosiacca jak da raboŭ. Druhi tłumačyć: «Pryjšoŭ u cech majstar. Dźviery na kluč. Tam kolki na pracaŭładkavańnie, stolki na zvalnieńnie. A to i bolej».
Słovy pra matyvy zakryćcia rabotnikaŭ tłumačyć inšy: «Normy dzikija. Kali nie paśpiavaješ, zakryvajuć cechi i pracuješ zvyš normy. I ŭsim pa barabanie, što ty svaje 12-15 hadzin adpracavaŭ».
Jašče adzin dadaje: «Pracavaŭ tam. A 4-j hadziny padjom i da 9-j viečara. Zdarałasia i da 2-j nočy, pakul nie budzie zroblena norma. Letam u hetych chlavach +50. Uvieś mokry. Pić nielha, bo jašče horš budzie».
Žančyna, dačka jakoj pracavała na pradpryjemstvie, dadaje: «Abiacajuć załatyja hory, ale na spravie biaskoncyja štrafy i pryčepki. Ludzi tam mianiajucca amal štomiesiac. Jeduć z samych biednych rehijonaŭ Biełarusi. Ale nie ŭsie vytrymlivajuć hetuju piakielnuju pracu…. Maja dačka raskazvała i ab adnosinach načalnikaŭ, štrafach i ciažkich umovach».
«Nie vykonvajucca ŭmovy pracy i apłaty hadzin. Pieršy miesiac biez premii, hoły taryf, pierapracoŭku nie apłočvajuć. Pierapracoŭku hadzin taksama», — piša jašče čałaviek, znajomy sa stanam rečaŭ na pradpryjemstvie.
«Pracavaŭ tam. Samyja žachlivyja ŭmovy i žachlivyja kiraŭniki. Tam vializnaja ciakučka», — dadaje inšy.
Čytajcie jašče:
U Smalavičach hatovyja pryniać na pracu łaŭcoŭ ptušak. Što treba rabić?
Žančyna ŭ biełaruskaj vioscy razvodzić kurej, jakija niasuć zialonyja i błakitnyja jajki
Ad smažańnia z cybulaj da ryzota: što pryhatavać z kurynaj piačonki i ŭ čym jaje karyść
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary