Sport

Na apošniaj letniaj Alimpijadzie vystupali 108 atletaŭ ź Biełarusi, na hulni ŭ Paryžy pakul jość tolki 6 dakładnych licenzij

Na Alimpijadzie mohuć źjavicca jak spartoŭcy ź Biełarusi, tak i atlety, jakija zjechali za miažu. Adnak kolkaść biełarusaŭ moža być rekordna nizkaja.

Fota: olympics.com

Čatyry z pałovaj miesiacy zastajecca da pačatku letnich Alimpijskich hulniaŭ u Paryžy, jany pačnucca 26 lipienia, ale ŭsio jašče niezrazumieła, u jakim farmacie ŭ ich voźmuć udzieł biełaruskija spartoŭcy, zadajecca pytańniem Radyjo Svaboda

Na dadzieny momant situacyja vyhladaje tak: 8 śniežnia Mižnarodny alimpijski kamitet vyrašyŭ dapuścić biełaruskich atletaŭ da ŭdziełu ŭ Hulniach, ale z abmiežavańniem, što vystupać jany buduć pad niejtralnym ściaham. Pry hetym dapuščanyja tolki spartsmieny, jakija vystupajuć u indyvidualnych spabornictvach, ale nie kamandnych.

Da Alimpijady dakładna nie buduć dapuščanyja tyja spartoŭcy, jakija padtrymlivajuć vajnu va Ukrainie, a taksama — jakija majuć kantrakty z vajskovymi viedamstvami. Adnak u kožnym vypadku rašeńnie budzie prymacca fiederacyjami vidaŭ sportu.

Lohkaja atletyka: usio ŭ tumanie

Naprykład, zusim jašče niezrazumieła, ci voźmuć udzieł biełarusy ŭ samym miedalnym vidzie Alimpijady — lohkaj atletycy. Staršynia Mižnarodnaj fiederacyi lohkaj atletyki Siebaścijan Kou ličyć, što dapuskać biełarusaŭ niama nijakaj mahčymaści. Ale rašeńnie budzie prymać nie adzin jon, a prezidyum fiederacyi.

Dla kiraŭnika biełaruskaj fiederacyi lohkaj atletyki Ivana Cichana važna dabicca, kab biełarusy vystupali pad dziaržaŭnym ściaham.

«Pajedziem ci nie, budziem vyrašać sami», — kazaŭ jon.

Pa słovach Cichana, dobryja šancy na vysokija vyniki na Alimpijadzie b mieli skakun z šastom Maciej Vołkaŭ i skakucha ŭ trajnym skačku Vijaleta Skvarcova.

A voś bronzavy miedalist minułaj Alimpijady, praŭładny spartoviec Maksim Niedasiekaŭ skazaŭ, što rychtujecca ŭžo da Alimpijady-2028.

«Mnie budzie 30 hadoŭ, samy čas, kab pryhoža zaviaršyć karjeru», — kazaŭ jon.

Niedasiekaŭ vystupaje ŭ skačkach u vyšyniu, ale apošni hod prapuściŭ praz traŭmu.

Dziaržaŭny trenier zbornaj Ihar Sivadziedaŭ kazaŭ u lutym, što na dadzieny momant jość užo šeść licenzij, ale chočacca dahnać hetuju ličbu da piatnaccaci.

Tenis: Sabalenka i Azaranka

Tenis — heta toj vid sportu, dzie biełaruskich spartoŭcaŭ nie adchilali navat na samym pačatku ŭvarvańnia Rasii va Ukrainu. Kab trapić na Alimpijadu, treba być u top-56 najmacniejšych spartoŭcaŭ płaniety pavodle rejtynhu.

Aryna Sabalenka na siońniašni dzień zajmaje druhi radok u mižnarodnym rejtynhu. Zusim nievierahodna, kab jana adtul vypała. Viktoryja Azaranka — tryccataja. Chutčej za ŭsio, i jana zmoža adabracca na Alimpijskija hulni.

Baraćba: dźvie licenzii ŭžo jość

Jašče adzin vid prahramy, dzie razyhryvajecca vielmi šmat miedaloŭ, — baraćba Na dadzieny momant prajšoŭ tolki adzin z troch etapaŭ adboru na Alimpijadu. Adbyvałasia heta na čempijanacie śvietu ŭ sierbskim Białhradzie ŭ 2023 hodzie.

Zajmieć licenziju na Paryž-2024 zmahli Vanesa Kaładzinskaja ŭ volnaj baraćbie (jana była druhaja na čempijanacie śvietu) i «hreka-rymlanin» Abubakar Chasłachanaŭ (piataje miesca). U krasaviku i traŭni buduć jašče dva etapy adboru.

«Kolki jašče budzie miescaŭ, pakaža dyvan», — kazaŭ kiraŭnik Biełaruskaj fiederacyi baraćby Alim Sielimaŭ.

Inšyja vidy: čakańni na batut

Na siońniašni momant biełaruskija spartoŭcy zavajavali pa adnoj licenzii ŭ akademičnym viesłavańni, płavańni, tchekvando i rovarnym sporcie.

Vialikija spadziavańni ŭ biełaruskich funkcyjanieraŭ na dopusk da Alimpijady chacia b adnaho batutysta. Mienavita sa skačkami na batucie źviazanyja najbolšyja pośpiechi biełaruskaha sportu na apošnich Alimpijadach. U 2016 hodzie załaty miedal uziaŭ Uładzisłaŭ Hančaroŭ, a ŭ 2020-m — Ivan Litvinovič. Heta byli adzinyja załatyja miedali dla Biełarusi na tych Alimpijadach.

Vydańnie «Trybuna» prahnazuje, što ŭ Alimpijadzie mohuć uziać udzieł maksymum 15—20 biełaruskich spartoŭcaŭ. Heta pry toj umovie, što da Hulniaŭ buduć dapuščanyja lohkaatlety.

Emihranty: Cimanoŭskaja, chutčej za ŭsio, pajedzie

Nie pakidajuć mahčymaści prabicca na Alimpijadu i tyja spartoŭcy, jakija paśla 2020 hodu vyjechali ź Biełarusi.

Biahucha Kryścina Cimanoŭskaja na dadzieny momant vystupaje za zbornuju Polščy. Na niadaŭnim čempijanacie Polščy ŭ pamiaškańniach jana stała druhoj. Cimanoŭskaja pakul nie vykanała alimpijski narmatyŭ, ale moža adabracca pavodle rejtynhu. Na dadzieny momant jana traplaje ŭ śpis.

Taksama ad Polščy maje šaniec trapić na Alimpijadu Volha Safronava ŭ konnym sporcie. Z Maryjaj Žodzik, jakaja vystupaje ŭ skačkach u vyšyniu, usio jašče ćmiana, bo jana pakul nie maje polskaha hramadzianstva.

Biełaruś na raniejšych letnich Alimpijadach

1996. Atłanta (ZŠA). 181 atlet u 28 vidach sportu. Adzin załaty miedal, šeść srebranych, vosiem bronzavych.

2000. Sidnej (Aŭstralija). 139 atletaŭ u 20 vidach sportu. Try załatyja miedali, try srebranyja, adzinaccać bronzavych.

2004. Afiny (Hrecyja). 151 atlet u 22 vidach sportu. Dva załatyja miedali, piać srebranych, šeść bronzavych.

2008. Piekin (Kitaj). 181 atlet u 28 vidach sportu. Try załatyja miedali, čatyry srebranyja, šeść bronzavych.

2012. Łondan (Vialikabrytanija). 173 atlety ŭ 25 vidach sportu. Dva załatyja miedali, piać srebranych, piać bronzavych.

2016. Rya-de-Žanejra (Brazilija). 124 atlety ŭ 19 vidach sportu. Adzin załaty miedal, čatyry srebranyja, čatyry bronzavyja.

2020. Tokia (Japonija). 108 atletaŭ u 20 vidach sportu. Adzin załaty miedal, try srebranyja, try bronzavyja.

Takim čynam, ad Alimpijady-2000 kolkaść zavajavanych Biełaruśsiu miedaloŭ niaspynna źmianšajecca.

Kamientary

Hramadzianina Hiermanii prysudzili ŭ Biełarusi da rasstrełu

Hramadzianina Hiermanii prysudzili ŭ Biełarusi da rasstrełu

Usie naviny →
Usie naviny

U Pinsku piensijanier uciakaŭ ź miesca ŭčynienaha im najezdu i pa darozie padbiŭ jašče dźvie mašyny

Viadomy błohier nabyŭ kvateru ŭ Polščy — voś jak heta ŭ jaho atrymałasia20

Bajden moža vyjści z vybarnaj honki ŭžo na hetyja vychadnyja12

Minski chirurh vydaŭ zbornik esteckaj prozy. Tak pa-biełarusku raniej nie pisali

U Drazdach źbirajucca zavieści płyvučyja altanki3

U akupavanym Łuhansku źnieśli pomniki achviaram stalinskich represij i Haładamoru — «pa prośbach vieteranaŭ»8

U Bychavie dla patryjatyčnych akcyj prydumali pieranosny «Viečny ahoń» FOTAFAKT9

U padziemnym parkinhu ŭ Minsku patanuli 14 aŭtamabilaŭ VIDEA9

Eks-palitźniavolenaja Asia Bułybienka apublikavała fota z knihaj Remarka — za hetym chavajecca kranalnaja historyja

bolš čytanych navin
bolš łajkanych navin

Hramadzianina Hiermanii prysudzili ŭ Biełarusi da rasstrełu

Hramadzianina Hiermanii prysudzili ŭ Biełarusi da rasstrełu

Hałoŭnaje
Usie naviny →