«Aŭtobus byŭ zabity jak na Novy hod». Jak z pajezdkami za miažu paśla zakryćcia dvuch prapusknych punktaŭ?
Čytačy vydańnia Dev.by, jakija jeździli ŭ Biełaruś i ź Biełarusi za apošni tydzień, raskazali, jak jany pierasiakali miažu.
Litva z 1 sakavika zakryła dva punkty propusku na miažy ź Biełaruśsiu («Łavaryški — Katłoŭka» i «Rajharad — Pryvałka»). Na dvuch pakinutych adkrytymi KPP («Miedniki — Kamienny Łoh» i «Salečniki — Bieniakoni») ułady zabaranili ruch piešachodaŭ i viełasipiedystaŭ.
Biełaruś — Litva — Biełaruś: «Dalnabojniki stali nabivacca ŭ aŭtobusy»
«Štotydzień jezdžu na pracu ŭ Litvu praz «Kamienny Łoh — Miedniki». Nijakaj roźnicy na hety momant u hrafiku ruchu rejsavych aŭtobusaŭ niama, jeździać sapraŭdy hetak ža, jak i jeździli. I ŭ Litvu, i ŭ Biełaruś typovaje spaźnieńnie 30-60 chvilin ad raskładu, što ŭ cełym zvyčajnaja situacyja.
Adzinaja prablema, niepasredna źviazanaja z zakryćciom pierachodaŭ i zabaronaj viełasipiedystaŭ — dalnabojniki. Raniej jany jeździli na rovarach praź miažu, heta było chutka, a hałoŭnaje — biaspłatna. Ciapier mnohija jeduć aŭtobusami.
Naprykład, u hety paniadziełak, 4 sakavika, aŭtobus na Vilniu byŭ zabity na 100%, jak na Novy hod. Takoha nikoli nie było. Choć u piatnicu 8 sakavika rejs na Minsk, naprykład, byŭ davoli svabodny, tracina miescaŭ pustavała.
Zvyčajna vialikija zatrymki ŭźnikajuć, kali ŭ aŭtobusie jość ukrainskija pasažyry. Jany časta jeździać tudy-siudy pamiž Litvoj i Biełaruśsiu, a ich zaŭsiody vodziać na dopyty i ŭvieś aŭtobus potym siadzić dy čakaje, kali ich adpuściać. A čakać davodzicca časam vielmi doŭha.
Naprykład, 8 sakavika čakali kala 40 chvilin z ulikam taho, što ŭkraincy pajšli na pravierku pieršymi. Zaŭvažyŭ, što biez ukrainskich pasažyraŭ usio prachodzić chutka.
Akramia taho, pry pajezdkach u Litvu mohuć uźniknuć zatrymki z-za mikraaŭtobusaŭ z małdaŭskimi numarami. Ich Litva čamuści prapuskaje pa aŭtobusnym kanale (u Biełarusi jany jeduć pa čyrvonym kanale, nie zaminajučy rejsavym aŭtobusam). Jany ŭvieś čas jeździać nabityja ludźmi i rečami, i ich potym vielmi doŭha praviarajuć.
Taksama jość hrašovaja prablema — [pa nazirańniach surazmoŭcy] kožny miesiac pieravozčyki padymajuć ceny na kvitki na 10%. Kali ŭ śniežni ja płaciŭ za kvitok u adzin bok 95 rubloŭ, to ciapier 125 rubloŭ. A ŭ niekatorych pieravozčykaŭ cana vyrasła da 140 rubloŭ.
Z ulikam taho, što ni kurs valut, ni ceny paliva mocna nie mianialisia, heta prosta adkrytaje rabavańnie».
Litva — Biełaruś: «Abiedźvie miažy prajšli biez prablem»
«Jechaŭ z baćkami ź Vilni ŭ Minsk na aŭtobusie ŭ sieradu 6 sakavika, vyjezd byŭ u 10:30. Abiedźvie miažy prajšli biez prablem. Na litoŭskaj prastajali 30 chvilin, na biełaruskaj — 1 hadzinu 15 chvilin. Pierad nami na biełaruskaj miažy byŭ adzin aŭtobus, ale i toj vielmi chutka źjechaŭ. Pravierka dakumientaŭ taksama prajšła chutka. U mianie byŭ litoŭski DNŽ, u baćkoŭ francuzskija vizy. Pytańniaŭ nakont dakumientaŭ nie było. U Minsk pryjechali pavodle raskładu».
«Baćki jechali 6 sakavika ź Litvy ŭ Biełaruś na aŭtobusie «Minkstransa» (u ich šenhienskija vizy). Prachodžańnie miažy zaniało bolš za 4 hadziny. Na litoŭskaj miažy prastajali 1,5 hadziny, na biełaruskaj — jašče 3 hadziny. Ź Vilni vyjechali svoječasova, pryjechali na 2,5 hadziny paźniej, čym pa raskładzie».
Varšava — Biełaruś: «Miaža zaniała 4 hadziny»
«Jechała z Varšavy ŭ Biełaruś u aŭtorak 5 sakavika ranišnim aŭtobusam. Kiroŭcy skazali, što pa šlachu ŭ Varšavu prachodžańnie miažy zaniało 8,5 hadzin. U kirunku Biełarusi miaža zaniała 4 hadziny. Čerhaŭ dla aŭtobusaŭ nie było. Lehkavych stajała šmat z polskaha boku».
Hruzavikoŭ šmat, lehkavych mała. Što adbyvajecca na miežach Biełarusi praz tydzień paśla zakryćcia dvuch punktaŭ propusku
Vialikaja kolkaść hruzavikoŭ i lehkavikoŭ staić na vyjezd ź Biełarusi ŭ zachodnim napramku
Na miažy z Polščaj znoŭ pačali źbiracca vialikija čerhi z aŭtobusaŭ
Čarha hruzavikoŭ ź Biełarusi ŭ Polšču pavialičyłasia za sutki ŭ čatyry razy
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary