Na zadvorkach cyvilizacyi. Dzie znachodzicca biełaruski chakiejny čempijanat u suśvietnym rejtynhu
Vydańnie Puck Empire skłała rejtynh chakiejnych lih. U jaho ŭvachodziać tolki «darosłyja» lihi. Na pieršym miescy — Nacyjanalnaja chakiejnaja liha (ZŠA i Kanada). Na druhim — Kantynientalnaja chakiejnaja liha, dzie hulaje minskaje «Dynama». Na trecim — Šviedskaja liha (SHL). Biełaruskaja ekstraliha tolki 20-ja.
![](http://d3kcf2pe5t7rrb.cloudfront.net/img/w840d4webp1/photos/z_2024_02/lukaenka_hockey240218-khj9n.jpg.webp)
Pierad biełaruskim pieršynstvom znachodzicca bolšaść jeŭrapiejskich chakiejnych lih i navat druhija dyvizijony.
Naprykład, šviejcarskaja Nacyjanalnaja liha na 4-m miescy, Amierykanskaja chakiejnaja liha (ACHŁ) na piatym miescy.
Potym iduć finskaja, češskaja, niamieckaja vyšejšaja lihi, supolny čempijanat Aŭstryi, Vienhryi i Słavakii, šviedski druhi dyvizijon.
Adkryvaje druhi dziasiatak ECHL (Čempijanat Uschodniaha ŭźbiarežža Kanady i ZŠA), zatym idzie Słavackaja chakiejnaja liha, Vyšejšaja chakiejnaja liha Rasii, šviejcarski druhi dyvizijon, čempijanat Vialikabrytanii, francuzski čempijanat, druhi niamiecki dyvizijon, čempijanat Narviehii — 18-y, Danii — 19-y. Voś na 20-m miescy i znachodzicca biełaruskaja ekstraliha.
Za nami raźmiaścilisia druhija češskaja i finskija lihi, čempijanat Polščy, supolny čempijanat Kazachstana i Uźbiekistana, šviedski treci dyvizijon — 25-y.
Azijackaja liha, dzie hulajuć kamandy Japonii i Paŭdniovaj Karei, na 29-m miescy. Italjanskaja liha — 31-ja. Japonskaja liha — 34-ja, supolnaja liha Litvy i Łatvii — 38-ja, Słavienskaja liha — 39-ja, Ukrainskaja — 50-ja, Estonskaja — 74-ja. Vyšejšaja liha Biełarusi (druhi dyvizijon) na 51-m miescy.
Usiaho ŭ rejtynhu 155 roznych čempijanataŭ. Apošnija miescy zajmajuć čempijanaty Brazilii i Pakistana.
Kali adsartavać tolki jeŭrapiejskija lihi, vyklučyŭšy NCHŁ, ACHŁ, ECHL, KCHŁ i Vyšejšuju lihu Rasii, to Biełaruskaja ekstraliha budzie 15-ja.
![](http://d3kcf2pe5t7rrb.cloudfront.net/img/w732d4webp1/photos/z_2024_02/liga240218-5mzf8.jpg.webp)
Nahadajem, što paśla pačatku poŭnamaštabnaha ŭvarvańnia va Ukrainy biełaruskija družyny — zbornyja i kłuby — vyklučanyja ź mižnarodnych spabornictvaŭ. Tak chakiejnaja zbornaja prapuścić treci čempijanat śvietu.
Kamientary