«U nas Ejsmantu možna ŭsio?» Bondarava atakavała kiraŭnika BT za navahodni kancert
Infakazačka Volha Bandarava pačała novy kryžovy pachod. Jaje ŭvahu pryciahnuŭ kancert «Navahodniaja śpioka» na telekanale «NTV-Biełaruś». Jon vyjšaŭ u efir jašče piać dzion tamu, u navahodniuju noč, ale tolki ciapier niechta źviarnuŭ na jaho ŭvahu infakazački.
![](http://d3kcf2pe5t7rrb.cloudfront.net/img/w732d4webp1/photos/z_2023_10/volhabondarava-vtdou.jpg.webp)
U kancercie vystupali rasijskija pop-zorki Aści, Hlukoza, Dzima Biłan, Ani Łorak, jakija ŭdzielničali ŭ «aholenaj viečaryncy» błohierki Naści Iŭlejevaj. Sam fakt viečarynki vyklikaŭ abureńnie šavinistyčnych kołaŭ u Rasii, ale dla Biełarusi, naturalna, heta nie maje nijakaha značeńnia.
![](http://d3kcf2pe5t7rrb.cloudfront.net/img/w732d4webp1/photos/z_2024_01/hq720-qoqlf.jpg.webp)
Tym nie mienš Bondarava rašuča pratestuje: «Praciahniem temu nachabnaha demanstratyŭnaha naplavalnictva na nacyjanalnuju Kanstytucyju i maral biełaruskaha naroda z boku televizijonščykaŭ. … Suhramadzianie, ja prašu vas napisać zvaroty ŭ Ministerstva infarmacyi z patrabavańniem abaranić kulturnuju prastoru Biełarusi ad destruktyvu. U Rasii hetych bł* dziej žorstka vypiłavali. A ŭ nas Ejsmantu možna ŭsio? A čaho adrazu videa hołaj viečarynki nie ŭrubiŭ?».
![](http://d3kcf2pe5t7rrb.cloudfront.net/img/w732d4webp1/photos/z_2020_06/05_eysmont_20200608_zam_tutby_phsl-iu2f8.jpg.webp)
Admietna, što ŭ hałavie ŭ Bondaravaj niama nijakaha razumieńnia nakont ijerarchii biełaruskaj ułady — Ivan Ejsmant jak staršynia Biełteleradyjokampanii nie padparadkoŭvajecca Ministerstvu infarmacyi (u adroźnieńnie ad jaho kaleh z ANT i STB). Kiraŭnik BT napramuju adkazvaje pierad Alaksandram Łukašenkam.
Kamientary