Hramadstva4242

Cichanoŭskaja vs Łukašenka. Paraŭnali vodhuki na navahodni vystup palitykaŭ

Za 11 hadzinaŭ na asnoŭnych płatformach jutuba videa z vystupam Cichanoŭskaj nabrała 170 tysiač prahladaŭ. U Alaksandra Łukašenki — 308 tysiač. Jaho vystup sabraŭ i bolš kamientaroŭ, ale mnohija ź ich padobnyja źmiestam. U dopisach časta ŭžyvajecca «baćka». U vodhukach na navahodniaje vinšavańnie Cichanoŭskaj pieravažaje słova «dziakuj» i voklič «Žyvie Biełaruś».

Alaksandr Łukašenka i Śviatłana Cichanoŭskaja padčas navahodnich vinšavańniaŭ

Śviatłana Cichanoŭskaja

Za piać chvilin da navahodniaha zvarotu Śviatłany Cichanoŭskaj u Biełarusi zabłakavali Jutub. Jon byŭ niedastupny prykładna z 23:45 da 0:05.

Cichanoŭskaja pramaŭlała pa-biełarusku i pa-rusku. Levaruč stajaŭ bieł-čyrvona-bieły ściah.

Vystup lidarki demakratyčnaj Biełarusi tranślavali jaje jutub-kanał, a taksama Jeŭraradyjo, «Kraina dla žyćcia», «Biełsat NEWS» dy Malanka Media:

— 73 tysiačy prahladaŭ sabraŭ zvarot na Youtube-kanale Cichanoŭskaj;

— 59 tysiač prahladaŭ na Jeŭraradyjo;

— 17 tysiač prahladaŭ na «Biełsat NEWS»;

— 13 tysiač prahladaŭ było na «Malanka Media».

— 7600 prahladaŭ na kanale «Kraina dla žyćcia»;

8-chvilinny vystup Śviatłany Cichanoŭskaj prakamientavali 1442 čałaviek.

Zvarot byŭ sascenaravany ŭ formie dyjałohu Cichanoŭskaj ź ludźmi. Pradstaŭniki zdymačnaj hrupy ahučvali najbolš aktualnyja prablemy biełaruskaha žyćcia, a jana im adkazvała.

U svaim zvarocie Cichanoŭskaja zaklikała da vytrymki i ŭpartaści ŭ adstojvańni svaich ideałaŭ. Demakratyčnaja lidarka pryznałasia, što nie maje adkazaŭ na ŭsie pytańni.

«Ja nie budu kazać vam, što ŭsio budzie dobra, — adznačyła jana. — Mnohija rečy nam davodzicca rabić nasupierak. Ale ŭ novym hodzie ja chacieła b, kab u nas z vami było mienš «nasupierak» i bolš «dziakujučy».

Śviatłana Cichanoŭskaja padsumavała navahodniaje vinšavańnie zapeŭnivańniem «dziakujučy sile našaha narodu, krok za krokam razam iści da svabodnaj i niezaležnaj Biełarusi».

Alaksandr Łukašenka

Vystup Alaksandra Łukašenki pakazvali na svaich Youtube-kanałach BiełTA, ANT, BT, STB:

— 136 tysiač u ANT;

— 101 tysiača prahladaŭ u BT;

— 57 tysiač prahladaŭ BiełTA;

— 14 tysiač u STB.

U 14-chvilinym navahodnim roliku Łukašenka vystupaŭ krychu bolš za 7 chvilin. Praciahłaść rolika na niekatorych internet-placoŭkach dziaržaŭnych telekanałaŭ była skaročanaja da 12 chvilin.

Vinšavańnie Łukašenki sabrała 2102 kamientary. Pieravažna kamientavali ludzi z Rasii.

Navahodniaje vinšavańnie zahadali pastavić na svaje telehram-kanały rajonkam i viedamstvam.

Łukašenka vystupaŭ u pyšnych interjerach Pałaca Niezaležnaści. U navahodni efir jon vyjšaŭ zmročnym, stomlenym, pažyłym mužčynam. Pramaŭlaŭ asipłym hołasam na ruskaj movie. 

Łukašenka havaryŭ pra mir.

«Pravodziačy Hod miru i stvareńnia, zahadvajem, kab nastupny byŭ takim ža mirnym dla ŭsich nas, dla Biełarusi. Mirnym dla našych susiedziaŭ, dy i dla ŭsich ludziej», — pramaŭlaŭ jon.

Dziakavaŭ «ludziam u pahonach» za mir. Abiacaŭ, što Usiebiełaruski narodny schod stanie «fundamientam biełaruskaj nacyjanalnaj dziaržaŭnaści».

«Niachaj usie našy samyja śmiełyja mary i pažadańni spoŭniacca ŭ imia miru i žyćcia. Budźcie ščaślivyja! Z Novym hodam!» — zaviaršyŭ svajo navahodniaje vinšavańnie biełarusam Łukašenka.

Bolšaja častka navahodniaha rolika ź im była zapoŭnienaja zastaŭkami biełaruskich krajavidaŭ i interjeram Pałaca Niezaležnaści sa ściahami savieckich časoŭ.

«Naša Niva» — bastyjon biełaruščyny

PADTRYMAĆ

Hladzicie taksama:

Paraŭnali, kolki prahladaŭ sabrali ŭ jutubie zvaroty Cichanoŭskaj i Łukašenki

Cichanoŭskaja vs Łukašenka. Paraŭnoŭvajem ź minułym hodam prahlady telezvarotaŭ i navahodnich šou

Jany pajšli ad nas u 2023-m. Zhadvajem biełarusaŭ, jakich my sioleta stracili

Kamientary42

  • NH
    01.01.2024
    Usio heta tłumačycca tak.
    1. U Biełarusi zabłočyli jutub jakraz pad vystupleńnie ST. Paskudstva režymu, ale ničoha novaha.
    2. Błakiroŭka paŭpłyvała na prahlady pa-roznamu. Ale jaje hałoŭnaj metaj było - kab ludzi ŭklučyli TB i pasłuchali sipataha.
    3. U Rasii błakiroŭki nie było, to tamtejšyja saŭki Łuku z zadavalnieńniem pahladzieli. Dumaju, 80 adsotkaŭ prahladaŭ u jutubie heta mienavita ŭschodnija orki.
  • Wunderwaffe
    01.01.2024
    Jaśka-haspadar z-pad Miensku, kaho prapanuješ jak novaha lidera?
  • nojman
    01.01.2024
    Wunderwaffe,mabyć jen bačyć lidaram siabie 

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →