Vajna44

Supraćpavietranaja abarona pad Mazyrom u kastryčniku sprabavała źbić rasijski bieśpiłotnik

Ukrainskaje vydańnie Texty.org.ua apublikavała infahrafiku prybliznych trajektoryj ruchu rasijskich bieśpiłotnikaŭ, jakija atakavali Ukrainu z 6 vieraśnia da 3 listapada. U adpaviednaści ź joj, adzin z napadaŭ adbyŭsia z terytoryi Biełarusi, BPŁA nakiravaŭsia ŭ Chmialnickuju vobłaść. Vydańnie «Fłahštok» začapiłasia za hetuju infarmacyju i praviało ŭłasnaje rasśledavańnie.

Infahrafika pavietranych napadaŭ Texty.org.ua na terytoryi Ukrainy z 6 vieraśnia pa 3 listapada
Pavialičany frahmient infahrafiki z nakładzienaj kartaj Biełarusi

Źviestki dla składańnia infahrafiki žurnalisty ŭziali va ŭkrainskaha manitorynhavaha kanała Monitor, jaki śpiecyjalizujecca na fiksacyi trajektoryi ruchu rasijskaj avijacyi, dronaŭ i rakiet.

«Fłahštok» źviarnuŭsia da śpiecyjalistaŭ manitorynhavaha kanała z prośbaj raskazać pra abstaviny ataki z terytoryi Biełarusi:

«Na karcie moža niekarektna adlustroŭvacca maršrut ekśpierymientalnych rasijskich bieśpiłotnikaŭ ź lohkich materyjałaŭ, faniery i ruchavikoŭ, h.zn. nie šachiedaŭ. Jany prajšli pa miažy Biełarusi kala 00:00 — 02:00 u noč z 24.10 na 25.10. Zapuski BPŁA z terytoryi Biełarusi za pieryjad nazirańnia nie zafiksavanyja».

Hetaja infarmacyja ŭzhadniajecca z dadzienymi servisa, jaki fiksuje abjavy pavietranych tryvoh Map air alerts: nad Kijeŭskaj i Žytomirskaj abłaściami Ukrainy ŭ noč z 24 na 25 listapada była abvieščanaja praciahłaja pavietranaja tryvoha. Nad Kijeŭskaj vobłaściu tryvoha była abvieščanaja ŭ 23:59, zaviaršyłasia ŭ Žytomirskaj u 04:47.

Čas pavietranych tryvoh u Kijeŭskaj i Žytomirskaj abłaściach (čas adpaviadaje biełaruskamu)

Čas fiksacyi rasijskaha BPŁA ŭ pamiežžy supaŭ z dniom, kali žychary paleskich rajcentraŭ Homielskaj vobłaści zafiksavali huk mocnych vybuchaŭ. Heta adbyłosia ŭnačy 25 kastryčnika ŭ 4:04. Žychary Mazyra pačuli hučnyja vybuchi. Šum byŭ takoj siły, što mnohija adčuli vibracyju ścien i pačuli brazhatańnie škła, zabrachali spałochanyja sabaki, spracavali sihnalizacyi aŭtamabilaŭ. Ludzi, jakija čuli vybuch, apisvajuć jaho jak «žudasny». Niekatoryja ludzi zmahli pačuć dva ci try asobnyja vybuchi. Pra heta mazyrčuki masava dzialilisia ŭ sacyjalnych sietkach 25 kastryčnika.

Akramia žycharoŭ Mazyra, u hety ž čas huk vybuchu pačuli žychary susiednich viosak. Šum vybuchaŭ byŭ zafiksavany taksama ŭ Naraŭlanskim, Jelskim rajonach.

Aranžavym koleram paznačanyja miescy, dzie byli čutnyja vybuchi

Žychar Mazyra, jaki zafiksavaŭ vybuch, znachodziačysia na vulicy, na ŭmovach ananimnaści paviedamiŭ «Fłahštoku» pra epicentr vybuchu:

«Krynica huku znachodziłasia dzieści za NPZ, heta značyć u kirunku Naroŭli».

Inšaja krynica paviedamiła, što šum pachodziŭ z rajona vioski Vialiki Bokaŭ, dzie z pačatku poŭnamaštabnaha ŭvarvańnia va Ukrainu raźmieščanyja rakietnyja kompleksy supraćpavietranaj abarony:

«Było dva puski z Bokava».

Dziejnyja ŭłady paličyli za najlepšaje nie zaŭvažać vybuchaŭ.

Na pytańnie pra vybuchi pa dziažurnym telefonie MNS «Fłahštoku» tady adkazali: «Ja nie mahu adkazać na hetaje pytańnie, usio ŭ nas spakojna. Heta mohuć być… moža chulihany zabaŭlalisia, niešta hučna stuknuła. U nas usio spakojna, usio dobra, chvalavacca niama pra što».

Ananimny milicejski pablik, jaki śpiecyjalizujecca na aśviatleńni represij na Paleśsi, 26 kastryčnika daŭ zaviedama nierealistyčnuju viersiju:

«Z 23.10 da 27.10.2023 u Koraścieńskim radoviščy hranitaŭ va Ukrainie pravodziacca zapłanavanyja padryŭnyja pracy. Tak-tak, voś tak usio prosta, našy susiedzi ŭsiaho tolki zajmajucca svajoj pramysłovaściu».

Milicyjantaŭ nie źbiantežyła značnaja addalenaść hetaha horada (125 kiłamietraŭ ad Mazyra), a taksama toj fakt, što vybuchovyja raboty pa načach nie pravodziać.

Takim čynam, možna zrabić vysnovu, što z-za rasijskaha bieśpiłotnika, jaki pralataŭ u pamiežžy ŭ 4:04 nočy 25 kastryčnika, adbyłosia bajavoje prymianieńnie rakietnych kompleksaŭ supraćpavietranaj abarony, raźmieščanych u Mazyrskim rajonie.

Miarkujučy z taho, što bieśpiłotnik praciahnuŭ ruch z pamiežža ŭ kirunku Chmialnickaj vobłaści Ukrainy, padbić rasijski dron tady nie ŭdałosia.

Kamientary4

  • Kanśpirołah biez stažu
    12.12.2023
    Hałoŭnaje, kab biełaruskaja SPA nie źbivała drony, jakija laciać ź Biełarusi ŭ Maskvu i Padmaskoŭje :)
  • nie taki jak jość
    12.12.2023
    Usio, što treba viedać pra bajehatoŭnaść biełaruskaj armii: fanierny bieśpiłotnik z haŭna i pałak padbić nie ŭdałosia. 🤦🏻‍♂️🤷
  • Biełarus
    12.12.2023
    łukašenka, pucin, rasieja - HETA VAJNA.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →