Śmiarotnaje načnoje DTZ u Stolinskim rajonie: zahinuła 25-hadovaja dziaŭčyna, dvoje małych dzietak špitalizavanyja
Śmiarotnaja avaryja adbyłasia 27 listapada kala 23:30 na 56-m kiłamietry darohi R88 Žytkavičy — Davyd — Haradok — miaža Ukrainy, piša BiełTA.
23-hadovy chłopiec z Alšanaŭ nie spraviŭsia z kiravańniem Audi, vyjechaŭ na sustrečnuju i sutyknuŭsia z aŭtamabilem Ford, u jakim jechaŭ 28-hadovy.
U vyniku DTZ 25-hadovaja pasažyrka aŭtamabila Ford pamierła na miescy zdareńnia. Kiroŭcu aŭtamabila i dvuch dziaciej — piacihadovuju dziaŭčynku i adnahadovaha chłopčyka — špitalizavali. Dziaciej vieźli bieź dziciačych utrymlivalnych pryład.
Dziaržaŭtainśpiekcyja zaklikaje kiroŭcaŭ być vielmi ŭvažlivymi na darozie ŭ niestabilnych umovach nadvorja: vybirać biaśpiečnuju chutkaść, ustrymacca ad nieabdumanych manieŭraŭ, uličvać bačnaść i stan prajeznaj častki. Kiroŭca i ŭsie pasažyry pavinny być pryšpilenyja ramianiami biaśpieki.
U milicyi nahadvajuć, što siońnia i najbližejšyja dni ŭ Biełarusi prahnazujecca paharšeńnie ŭmoŭ nadvorja, mocny viecier i śniehapady.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha14
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary