Premjer-ministr Izraila Bińjamin Nietańjachu zajaviŭ, što izrailskija vojski zaviaršyli akružeńnie Hazy. Taksama jon admoviŭsia pieradavać kantrol nad siektaram Haza paleścinskaj administracyi Machmuda Abasa, piša «Mieduza».
«U terarystaŭ nie zastałosia biaśpiečnaha miesca, kab schavacca… My źniščym CHAMAS i vyratujem našych zakładnikaŭ», — skazaŭ premjer na pres-kanfierencyi ŭviečary 11 listapada.
Nietańjachu adznačyŭ, što CACHAŁ budzie zastavacca ŭ siektary Haza stolki, kolki heta nieabchodna, kab nie dapuścić vykarystańnia ankłava dla terarystyčnych napadaŭ suprać Izraila. «CHAMAS budzie demilitaryzavany. Dla Izraila bolš nie budzie pahroz z boku siektara Haza. I kab harantavać heta, CACHAŁ budzie kantralavać biaśpieku Hazy stolki, kolki spatrebicca, kab pieraduchilić teror adtul», — zajaviŭ jon.
Taksama premjer vystupiŭ suprać pieradačy kantrolu nad siektaram Haza Paleścinskaj nacyjanalnaj administracyi na Zachodnim bierazie Iardana, jakuju ŭznačalvaje Machmud Abas. Kiraŭnik izrailskaha ŭrada adznačyŭ, što paleścinski lidar dahetul nie asudziŭ napadu CHAMAS na Izrail.
«Tam nie budzie hramadzianskaj ułady, jakaja vučyć svaich dziaciej nienavidzieć Izrail, zabivać izrailcianaŭ ci źniščać Izrail. Tam nie moža być ułady, jakaja płacić siemjam zabojcaŭ. Nie moža być ułady, jakaja nie asudziła raźniu praz 30 dzion. Pavinna być niešta inšaje, ale ŭ lubym vypadku pad našym kantrolem biaśpieki. Ja staju na hetym i nie źbirajusia zdavacca», — padkreśliŭ Nietańjachu.
Jon taksama zajaviŭ, što CHAMAS straciŭ kantrol nad poŭnačču siektara Haza i što spynieńnia ahniu nie budzie biez vyzvaleńnia zakładnikaŭ.
Terarysty paleścinskaha ruchu CHAMAS napali na Izrail 7 kastryčnika, zabiŭšy 1200 čałaviek i ŭziaŭšy ŭ zakładniki kala 240 čałaviek. Armija abarony Izraila ŭ adkaz na ataku pačała nanosić avijaŭdary pa siektary Haza, a zatym uvajšła na paleścinskuju terytoryju, pačaŭšy naziemnuju apieracyju. Pavodle danych paleścinskaha boku, u siektary Haza z 7 kastryčnika zahinuli bolš za 11 tysiač čałaviek.
-
«Kamuści tut treba dać try aplavuchi». Fica vykazaŭsia pra padletka, jaki nie pacisnuŭ ruku prezidentu Słavakii
-
Patrušaŭ zajaviŭ, što Ukraina i Małdova mohuć «spynić isnavańnie», a pieramovy pa Ukrainie pavinny vieścisia z ZŠA bieź ES
-
Pryncesa Uelskaja Ketryn paviedamiła, što ŭ jaje pačałasia remisija
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla6
Kamientary