Skrynšot videa nbclosangeles.com

Skrynšot videa nbclosangeles.com

Siarod nočy połymia šuhała praz dach draŭlanaha anhara. Pažarnyja vyklikali viertalot, kab spravicca z mahutnym ahniom. Viertaloty «Čynuk» vykarystoŭvajucca dla baraćby ź lasnymi pažarami, piša nbclosangeles.com.

«My vyznačyli, što najbolš racyjanalny z punkta hledžańnia ekspłuatacyi mietad — heta dazvolić kanstrukcyi abrynucca, paśla čaho naziemnyja bryhady zmahli b padjechać bližej i aktyŭna pracavać nad tušeńniem pažaru», — napisali ŭ tvitary pažarnyja akruhi Oryndž.

Pažar adbyŭsia ŭ anharach, dzie kaliści raźmiaščalisia dyryžabli, jakija vykarystoŭvalisia padčas Druhoj suśvietnaj vajny. Anhary majuć vyšyniu 17 pavierchaŭ, bolš za 300 mietraŭ u daŭžyniu i 300 mietraŭ u šyryniu.

Abjekt płoščaj amal 1600 akraŭ byŭ zdadzieny ŭ ekspłuatacyju ŭ 1942 hodzie i na praciahu paŭstahodździa hraŭ značnuju rolu ŭ vajenna-marskim fłocie i marskoj avijacyi. U 1999 hodzie avijabaza była zakryta.

Endžy Kardašjan była ŭ ślazach, kali nazirała, jak čorny dym valić z reštkaŭ hihanckaha zbudavańnia. Kardašjan raspaviała, što vałodała restaranam u Taścinie i karmiła marskich piechacincaŭ i ich siemji biaspłatnymi abiedami na Dzień padziaki.

Anhary byli skarystanyja na telebačańni i ŭ filmach, uklučajučy «Jahuar», «Sakretnyja materyjały», «Ościn Paŭers», «Pierł-Charbar» i «Zorny šlach».

Razam z tym paŭdniovy anhar nie paciarpieŭ u vyniku pažaru i budzie prydatny dla budučaha vykarystańnia.

Клас
0
Панылы сорам
0
Ха-ха
0
Ого
3
Сумна
2
Абуральна
0