Pad Aŭdziejeŭkaj praciahvajucca najciažejšyja bai, pad Chiersonam ukraincy pašyryli płacdarm. Što na froncie na 23 kastryčnika
Ukraincy imknucca ŭtrymać płacdarm na levym bierazie Dniapra vyšej za Chierson i viaduć intensiŭnyja abstreły rasijskich pazicyj pad Vierbavym.
![](http://d3kcf2pe5t7rrb.cloudfront.net/img/w840d4webp1/photos/z_2023_10/rybar23102023-u1r88.jpg.webp)
Situacyja ŭ rajonie Chiersona
Ukrainskija vajskoŭcy zaniali i praciahvajuć utrymlivać płacdarm na levym bierazie Dniapra vyšej pa race ad Chiersona. Heta vynikaje z paviedamleńniaŭ rasijskich vajenkaraŭ.
22 kastryčnika rasijskaja avijacyja nanosiła ŭdary pa ŭkrainskich padraździaleńniach, jakija ŭ papiarednija dni ŭvajšli ŭ levabiarežnuju viosku Krynki.
«Prysutnaść praciŭnika pa-raniejšamu zachoŭvajecca, ale ciapier bajcam US RF udałosia začyścić niekalki pasadak, praktyčna vycieśniŭšy USU da bieraha», — śćviardžaje vajenkar «Rybaŕ».
«Ale [ŭkrainskaje] kamandavańnie nočču pierakinuła dadatkovyja padraździaleńni na astravy Miełki i Frałova», — papiaredžvaje jon.
«Situacyja zastajecca stabilna napružanaj, ale ŭžo lepšaje. Treba vykurvać», — piša vajenkar «Pozyvnoj. Osietin».
A vajenkar «Romanov» śćviardžaje, što rasijskaja armija viadzie intensiŭnyja abstreły levabiarežža, pryčym źniatyja limity na bojeprypasy — zvyčajna ŭ rasijan kolkaść bojeprypasaŭ abmiežavanaja.
Adnak varta zaŭvažyć, što, niahledziačy na časam paničny ton rasijskich błohieraŭ i na toje, što ŭkraincy kantralujuć bałocistyja astravy ŭ delcie Dniapra, nijakaj rehularnaj pierapravy ŭkrainskaja armija nie naviała, a na levym bierazie dziejničajuć hrupy bieź ciažkaj techniki.
Nievialikija harady na levym bierazie — Aleški, Radziensk, Novaja Kachoŭka — zastajucca pad rasijskim kantrolem.
Karespandent ahienctva «Asašyejted pres» zafiksavaŭ kadry adpraŭki hrupy ŭkrainskich vajskoŭcaŭ na pieradavuju na levabiarežža i evakuacyi paranienaha adtul.
![](http://d3kcf2pe5t7rrb.cloudfront.net/img/w732d4webp1/photos/stock/ukrainian_sail_kherson-2cc6x.jpg.webp)
![](http://d3kcf2pe5t7rrb.cloudfront.net/img/w732d4webp1/photos/stock/ukrainian_drg-dd27x.jpg.webp)
![](http://d3kcf2pe5t7rrb.cloudfront.net/img/w732d4webp1/photos/stock/ukrainian_wounded-qwh1k.jpg.webp)
Situacyja pad Aŭdziejeŭkaj
Zaciatyja bai praciahvajucca ŭ rajonie Aŭdziejeŭki Danieckaj vobłaści. Rasijskija vojski za apošni tydzień panieśli tam vialikija straty ŭ žyvoj sile i technicy, ale zdoleli zachapić častku terykona, jaki ŭzvyšajecca nad miascovaściu.
«Naša nastupalnaja apieracyja idzie ŭžo 13 dzion, vorah pastajanna pierakidvaje padmacavańni», — paviedamlaje vajenkar «Dva majora». «Iduć najciažejšyja bai», — strymana piša hety kanał.
Ukrainskaje kamandavańnie paviedamlaje pra hetyja bai nastupnym čynam: «Na Aŭdziejeŭskim kirunku vorah vioŭ biespaśpiachovyja šturmavyja dziejańni pry padtrymcy avijacyi ŭ rajonach nasielenych punktaŭ Kieramik, Stepavoje, Aŭdziejeŭka, Tonieńkaje Danieckaj vobłaści. Tut siłami abarony adbita kala 10 atak voraha».
Karespandent niamieckaha vydańnia Bild Džulijan Ropkie miarkuje, što pad Aŭdziejeŭkaj hinie pa 300 rasijskich vajskoŭcaŭ za dzień.
«Na adnym ź videa ź pieradavoj vidać čatyry padbityja rasijskija tanki i BTR na ŭkrainskim minnym poli. Ale tudy ž ruchajecca jašče stolki ž adzinak braniatechniki. Adzin BTR spyniajecca pierad minaj, ale inšy šturchaje jaho napierad, paśla čaho adbyvajecca vybuch. Usiaho na videa za chvilinu na minach padryvajecca nie mienš za 10 mašyn. Na inšym zapisie USU padpuskajuć bližej kałonu rasijskaj braniatechniki i rasstrelvajuć jaje prycelnym ahniom», — adznačaje jon.
Russlands diktatorische Führung lässt seine Soldaten über die Leichen der eigenen Kameraden gehen. Aktuell werden täglich 100-200 Mann geopfert, um die ostukrainische Stadt Awdijiwka einzunehmen. Dabei handelt es nicht Strafgefangene, sondern Reservisten.
pic.twitter.com/iVct8gnGJu
Situacyja pad Vierbavym i Rabocinam
Rasijskija krynicy taksama druhi dzień zapar paviedamlajuć pra nadzvyčaj mocnyja artyleryjskija abstreły svaich pazicyj u rajonie Vierbavoha i Rabocina ŭ Zaparožskaj vobłaści, dzie ŭkrainskija vojski ad červienia sprabujuć prabicca da Mielitopala i bieraha Azoŭskaha mora praź minnyja pali i ŭmacavańni rasijan.
«Siły abarony Ukrainy praciahvajuć nastupalnuju apieracyju na Mielitopalskim kirunku, nastupalnyja (šturmavyja) dziejańni na Bachmuckim kirunku, nanosiać akupacyjnym vojskam straty ŭ žyvoj sile i technicy, vymotvajuć voraha ŭzdoŭž usioj linii frontu», — tak apisvajuć heta ŭ zvodcy ŭkrainskaha kamandavańnia.
Miarkujučy pa fota– i videaśviedčańniach, prasoŭvańnie ŭkraincaŭ zastajecca vielmi marudnym, abmiažoŭvajecca paraj socień mietraŭ za dzień.
Pra situacyju na płacdarmach levabiarežža Chiersonščyny ŭkrainski Hienštab ničoha nie paviedamlaje.
Sachaščyk — pra Załužnaha, Chrenina, Prakopjeva i pra toje, jak ledź nie zahinuŭ pad «Iskanderam». Novy «Tok»
Biełarus zamoviŭ pientahramy kala kvater rasijskich prapahandystaŭ? «Pahrozy rasijskich prapahandystaŭ mianie chvalujuć vielmi mała»
«Našy damoŭlenaści vykonvajucca vielmi dakładna». Zialenski paćvierdziŭ, što Ukraina vykarystała rakiety ATACMS
Kamientary