Zdaroŭje33

U hetaj uzrostavaj hrupie ŭ Biełarusi kolkaść chvorych na VRVI vyšejšaja ŭ dva razy

«Heta źviazana z peŭnaj modaj apranacca», — kaža hałoŭny sanitarny doktar Biełarusi.

Ilustracyjnaje fota «Naša Niva»

U Biełarusi zaraz adznačajecca vysokaja zachvaralnaść na vostryja reśpiratornyja virusnyja infiekcyi siarod padletkaŭ 15-17 hadoŭ, raspavioŭ namieśnik ministra achovy zdaroŭja, hałoŭny dziaržaŭny sanitarny doktar Biełarusi Alaksandr Tarasienka, piša BiełTA.

«U asnoŭnym my zaraz rehistrujem vysokuju zachvaralnaść siarod padletkaŭ 15—17 hadoŭ. Heta źviazvaju z peŭnaj modaj apranacca. Siarod hetaj hrupy nasielnictva zachvaralnaść vyšejšaja ŭ dva razy, — skazaŭ Alaksandr Tarasienka. — Ale z ulikam pryniaćcia prafiłaktyčnych mier ja dumaju, što i pa hetaj hrupie, i pa nasielnictvie nam udasca strymać situacyju».

Namieśnik ministra achovy zdaroŭja raźličvaje, što zachvaralnaść u hetym epidemičnym siezonie budzie nie vyšejšaj, čym letaś. Pačynajučy z 2011 hoda, kali štohod stali pravodzić kampaniju pa vakcynacyi suprać hrypu, adznačajecca stanoŭčaja tendencyja.

«Čym bolš pryščeplena nasielnictva, tym mienšaja zachvaralnaść na hryp», — udakładniŭ jon.

Pa słovach Alaksandra Tarasienki, na siońnia zachvaralnaść na vostryja reśpiratornyja infiekcyi stabilizavałasia. Da hetaha byŭ rost, źviazany z zakančeńniem kanikuł, vychadam z adpačynkaŭ.

«Sfarmavalisia kalektyvy — i adznačaŭsia rost. Heta štohadovaja situacyja. Ale kali paraŭnoŭvać z anałahičnym pieryjadam minułaha hoda, to pakazčyki zachvaralnaści nižejšyja», — zaŭvažyŭ Alaksandr Tarasienka.

Jon udakładniŭ, što za minuły tydzień pakazčyk zachvaralnaści skłaŭ 1260 vypadkaŭ na 100 tysiač nasielnictva.

Kampanija vakcynacyi suprać hrypu startavała ŭ vieraśni. Za košt biudžetu pryščaplajuć trochvalentnaj vakcynaj dla prafiłaktyki hrypu rasijskaj vytvorčaści.

Za ŭłasnyja hrošy možna pryščapicca vakcynami «Vaksihryp Tetra» (Francyja) i čatyrochvalentnaj «Influvak Tetra» (Šviejcaryja).

«Usie jany prajšli rehistracyju, pakazali svaju efiektyŭnaść», — padkreśliŭ namieśnik ministra.

Kamientary3

  • Kazik
    21.10.2023
    > Heta źviazvaju z peŭnaj modaj apranacca

    I što mienavita ŭ vopratcy ŭpłyvaje?
  • Igrek
    21.10.2023
    Naturalny adbor. Nie pierieškadžajcie.
  • biełaruska
    21.10.2023
    Kazik, vy chiba padletkaŭ nia bačyli? karotkija spadnicy, biaz šapak, šalikaŭ, palčatak chodziać, u krasoŭkach zamiest ciaplejšaha abutku. usio aby nie vyhladać kapustaj, što mama zamatała))

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie9

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli8

Pamior biełaruski saksafanist Vital Jamuciejeŭ

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →