Baćku, jaki zabiŭ trochhadovaha syna ŭ Słucku, chutčej za ŭsio, rasstralajuć
U zale suda Alaksandr Taratuta «poŭnaściu pakazaŭ svaju iłžyvaść, deficyt ščyrych emocyj i inšyja niehatyŭnyja charaktarystyki», — skazała prakurorka. Jana zaprasiła jamu najvyšejšuju mieru pakarańnia — śmiarotnaje pakarańnie šlacham rasstrełu.
Jahonaja žonka Anastasija Taratuta pryznanaja niebiaśpiečnaj dla hramadstva. Joj dziaržabvinavaŭca zaprasiła maksimalny termin pazbaŭleńnia voli na 25 hadoŭ u papraŭčaj kałonii strohaha režymu, a taksama pryznačyć lačeńnie ad chraničnaha ałkahalizmu, paviedamlaje «Minskaja praŭda».
Razhlad kryminalnaj spravy ŭ dačynieńni da Alaksandra Anastasii Taratutaŭ pačaŭsia 3 kastryčnika, ich abvinavačvali ŭ katavańni i zabojstvie z asablivaj žorstkaściu trochhadovaha syna. Kryminalnuju spravu razhladaje Minski abłasny sud na vyjaznym pasiadžeńni ŭ Słucku.
Siońnia sudovaje pasiadžeńnie pačałosia z chadajnictva prakurora ab dałučeńni da materyjałaŭ spravy pastanovy ab admovie ab zaviadzieńni kryminalnaj spravy ŭ dačynieńni da supracoŭnikaŭ milicyi, na jakich napisali skarhi abvinavačanyja. U svaich zajavach jany pisali, što padčas dasudovaha śledstva na ich nibyta akazvaŭsia cisk i ŭžyvaŭsia fizičny hvałt, piša «Sputnik».
Miedyki i piedahohi raspaviali pra traŭmy zakatavanaha baćkami dziciaci.
Akramia hetaha, u sudzie adhladali apieratyŭnyja materyjały śledstva, kali abvinavačany davaŭ pakazańni na miescy złačynstva — u kvatery, dzie adbyłosia zabojstva chłopčyka. Abvinavačany, jakoha dla dačy pakazańniaŭ na miescy pryvieźli ŭ kajdankach i pad kanvojem, pakazaŭ śledčym na maniekienie i raspavioŭ, jak biŭ dzicia tapkam, rukami, ale čaściej — nahoj.
Jak vynikaje ź videa, jakoje adhledzieli ŭ sudzie, abvinavačany kaža, što maleńki Siamion razdražniaŭ i jaho, i jahonuju žonku, bo «kraŭ sa stała i raźbivaŭ talerki». Alaksandr paviedamiŭ śledčym, što «pačaŭ bić Siamiona z dvuch hadoŭ».
Niekatorym śviedkam, jakija byli ŭ zale suda, stanaviłasia błaha ad ubačanaha.
SK paviedamiŭ pra kryminalnuju spravu na 45 čałaviek4
Kamientary
Niachaj by ŭsio žyćcio pracavaŭ, a hrošy išli naprykład, na dziaciej-sirot, jakija biez baćkoŭ zastalisia, ci na dziaciej-invalidaŭ.
Čamu mienavita rasstreł? Chočuć na vorhany puścić?
Nie toje što tyja, chto bčb ściažok doma trymaŭ ci łajk pastaviŭ u internecie biełaruskamu śmi. Hetyja ŭsie ŭ naručnikach na sudzie.