«Słuchali čužuju muzyku i sami pieramyvali ŭvieś posud». Dziaŭčyna pajechała ŭ modny mini-hatel, ale zastałasia niezadavolenaj

Nijakaj adzinoty i spakoju

— U hateli my znachodzilisia z 29/09 da 01/10, — adnaŭlaje chod padziejaŭ Iryna. — Tak jak u nas z mužam była hadavina viasiella, braniravała miesca jašče da adkryćcia, tady adna noč kaštavała 250 rubloŭ. Čakali pajezdku ź nieciarpieńniem.

Adnak pačałosia ŭsio z taho, što my doŭha stajali kala niejkaha płota i nie mahli zrazumieć, kudy jechać dalej. My šmat vandrujem pa Biełarusi i nikoli nie sutykalisia z takoj prablemaj: zvyčajna ŭładalniki dasyłajuć schiemu prajezdu, kali jość niuansy. Patelefanavali pa telefonie, ukazanym u Instagram, tam adkazali, što zaraz nas sustrenie achoŭnik. Tak i atrymałasia.

Pavialičyć

Išli my pa budoŭli, i siarod hetaj ža budoŭli stajaŭ sam dom, za tak zvanym płotam. Tualet, jak akazałasia, znachodzicca nie na terytoryi doma, vyhladaje jak u babuli ŭ vioscy i, jak vyśvietliłasia paźniej, hramadski. Pakul nam usio pakazvali i raskazvali, ja šukała pohladam duš, i, kali ja spytała, dzie jon, mnie pakazali na stajačuju draŭlanuju kanstrukcyju z bočkaj na dachu i štorkaj, jakaja da taho ž za terytoryjaj doma, pasiarod budoŭli. Nu ci možna pamycca ŭ łaźni z koŭšyka.

Pavialičyć

Posud treba myć z butelki. Ja zahadzia zadavała pytańnie, što jość u chacie z kuchonnaha pryładździa, i atrymała adkaz: usio jość. «Usio jość» — heta posud z «maminaj kuchni» (mabyć, toj, jaki bolš nie patrebny — roznych rasfarbovak), adzin nož, adna apracoŭčaja doška, ale heta jašče nie ŭsio. Uvieś posud byŭ tłusty, nož u reštkach ježy, došku, mabyć, taksama nichto nie myŭ. Mabyć, my pavinny padrychtoŭvać chatu da pražyvańnia sami.

Pavialičyć

Darečy, dom vielmi maleńki. Miesca dla zachoŭvańnia rečaŭ niama, choć u Instagram paznačana, što źmiaščaje jon u sabie da čatyroch čałaviek. Spać na druhim paviersie niazručna, bo matrac tam paŭtaračny. Da taho ž heta, na moj pohlad, niebiaśpiečna: kut nachiłu ŭschodaŭ taki, što składana ŭjavić, chto moža biez asablivych namahańniaŭ adtul spuścicca. Na dvaich darosłych ludziej padajecca paŭtaračnaja paścielnaja bializna.

Nijakaj adzinoty i spakoju atrymać taksama nie ŭdałosia. Pačynajučy z 12 dnia z altanak, raźmieščanych zusim pobač, hučała muzyka. A ŭviečary pad našym płotam i zusim pastavili stoł i pačali adznačać čyjści dzień naradžeńnia. U vyniku muzyka była ŭvohule z usich bakoŭ, a paźniej dadalisia i razborki ludziej, jakija ŭžo pahulali na dni naradžeńnia. Chto ŭsie hetyja ludzi — ja nie viedaju, na jakoj padstavie jany znachodziacca tam — niezrazumieła, bo, kali vieryć šyldzie pry ŭjeździe, heta ŭsio terytoryja pad arendu, i tady atrymlivajecca, što ŭsie adpačyvajuć na roŭnych umovach.

Ciapier košt pražyvańnia składaje ŭžo 300 rubloŭ za noč. I za hetyja hrošy vy atrymajecie vychodnyja va ŭmovach kiempinhu. Pa viartańni ja napisała paviedamleńnie z prośbaj rastłumačyć, jak ža atrymałasia, što adpačyvała ja nie ŭ hateli, a ŭ kiempinhu. Jakoha-niebudź adekvatnaha adkazu nie było. Ja nie suprać kiempinhu, ale ja, jak spažyviec, pavinna atrymać dakładnuju infarmacyju ab umovach pražyvańnia i pahadzicca na ich, — dzielicca emocyjami dziaŭčyna.

Pavialičyć

U nas mnostva stanoŭčych vodhukaŭ, heta pieršaja niezadavolenaść

A voś što na pretenzii hości adkazvajuć u samim ateli.

— Što tyčycca pošuku łakacyi, to naš mieniedžar zaŭsiody adpraŭlaje dakładnyja kaardynaty. Da taho ž na KPP ustalavany vielizarny stend z numaram telefona — suviaź zaŭsiody jość, nie zabłukaješ. Nakont budoŭli praŭda. My prosta ciapier znachodzimsia ŭ pracesie ŭdaskanaleńnia svajho mini-hatela, ale budoŭla idzie ŭ pieryjad z 12 da 15 hadzin, kali ŭ nas pierapynak pamiž haściami. Kanstrukcyi, jakija budujuć na terytoryi Di.Land, nikomu nie zaminajuć, znachodziacca addalena ad hatovych pracujučych damoŭ.

Duš, jaki bačyła dziaŭčyna, — letni, nie vykarystoŭvajecca ŭ takoje nadvorje. Haračaja vada i ŭsio nieabchodnaje jość u łaźni prosta pobač z domam.

Para adpačyvała ŭ nas na vychodnych, i tak skłalisia akaličnaści, što na terytoryi jany byli nie adny. U niadzielu z 12 hadzin voziera ažyvaje: da nas pryjazdžajuć hości ŭ altanki. Heta vychodny dzień u krainie, a pobač z Babrujskam bolš niama takich pryhožych azior, tamu ludzi jeduć cełymi siemjami. I choć usie hetyja zbudavańni znachodziacca na dastatkovaj addalenaści ad damoŭ, nieparazumieńni, vidać, usio ž zdarajucca. Na žal, usio jašče jość takaja źjava, što kali chtości pryvioz novuju vielizarnuju kałonku, to choć ty vyskačy sa skury, ale nie zabaroniš jamu słuchać kachanaha Mišu Kruha.

Darečy, na terytoryi hatela jość achova, što vyklučaje kanflikty pamiž adpačyvalnikami.

Nakont pamieru doma. «Trykutniki» iduć 6 na 3 mietry. Tak, jany maleńkija. Ale my hetaha i nie chavajem. Heta zroblena dla taho, kab našy hości mahli być maksimalna blizkija adno da adnaho. Niazručna spać na druhim ci pieršym paviersie?.. Kamuści i na 10 piarynach budzie niazručna.

Usie damy my staranna rychtujem da zasialeńnia. Paściel mianiajecca (i vierch, i niz) niezaležna ad kolkaści haściej, kožny dom prymaje haściej z dvuma kamplektami paścielnaj bializny. Hetaksama z čystym posudam na 4 piersony (jość vialikaja talerka dla šašłyku, 4 hłybokija, 4 niehłybokija, 4 kružki, 4 šklanki, a taksama pa 4 łyžki, videlcy i kielichi). Taksama lažyć adzin nož i adna apracoŭčaja doška. Niaŭžo treba vydavać ludziam kuchonnych pryboraŭ jak na viasielle?

U nas jość usio nieabchodnaje, pra heta my havorym svaim budučym haściam. Nakont taho, jak pamyć posud, u nas nichto nie spytaŭsia. A vadu my dajem — 20 litraŭ z pompaj.

Na praciahu ŭsiaho pieryjadu znachodžańnia hetych haściej u našym mini-hateli ad ich nie pastupała ni pytańnia, ni pretenzii. Nichto ničoha nie paviedamlaŭ i pra jakuju-niebudź dapamohu nie prasiŭ. Tolki praz sutki dziaŭčyna napisała svaje niezadavolenaści, z čym my adrazu ž razabralisia, — raspavioŭ Illa, adzin z aŭtaraŭ prajekta Di.Land.

Małady čałaviek taksama padzialiŭsia vodhukami, atrymanymi ad inšych haściej.

Pavialičyć

• 4
• 0
• 22
• 38
• 3
• 5
• 12
• 0