«Unieśli karekciroŭki ŭ kantent». Błohiera-miljońnika Dzim Dzimyča vyklikali ŭ Ministerstva kultury
Papularnaha błohiera Dzimu Siŭčyka (Dzim Dzimyča) nie pakidajuć u spakoi paśla danosaŭ prarasijskaj aktyvistki.
Błohier raskazaŭ, što ŭčora byŭ u Ministerstvie kultury.
«Tam my pahavaryli nakont majho kantentu, unieśli pravilnyja karekciroŭki, jak i ŭ luboj inšaj narmalnaj pracy. Što mahu skazać: jašče raz paŭtarusia, što ja narmalny čałaviek, prapahanduju tolki zdarovy ład žyćcia i pravilnyja kaštoŭnaści, i nijakija inšyja»,
— paviedamiŭ jon u storys u instahramie.
Dzima Siŭčyk — papularny błohier. U jaho jutub-kanała 6 miljonaŭ padpisčykaŭ, a ŭ tyktoku — 2 miljony. Asnoŭnaja jaho aŭdytoryja — padletki.
Dziaržaŭnyja orhany i prapahanda źviarnuli na jaho ŭvahu paśla danosaŭ prarasijskaj aktyvistki Volhi Bondaravaj. Taja aburałasia, što błohier adziavajecca ŭ ružovaje, a ŭ niekatorych žartaŭlivych rolikach byŭ u sukiency, i vinavaciła jaho ŭ prapahandzie ŁHBT. Paśla jaje skarhaŭ z sajta «Jeŭraopta» źniali rekłamu ź Dzim Dzimyčam, a jaho samoha adpravili ŭ efir da prapahandysta Ryhora Azaronka.
Kamientary