Hramadstva33

Čarhovaja śpiecmisija Bondaravaj. Hetym razam nad «Jeŭraoptam»

«Jeŭraopt» prybraŭ fatahrafii papularnaha moładzievaha błohiera Dzim Dzimyča z sajta školnych tavaraŭ. Raniej prapahandystka Volha Bondarava abvinavaciła influensiera ŭ schavanaj «prapahandzie ŁHBT», napisała z hetaj nahody skarhi ŭ MUS, MARH i Ministerstva adukacyi, a taksama admoviłasia kuplać pradukty ŭ kramach sietki, piša «Lusterka».

Tak vyhladaŭ sajt «Jeŭraopta» sa školnymi tavarami raniej. Skrynšot 21 lipienia 2023 hoda

Na abnoŭlenym sajcie sa školnymi tavarami «Jeŭraopta» Dzim Dzimyča bolš niama. Niedastupnaje i rekłamnaje videa z udziełam błohiera, jakoje było apublikavana 24 lipienia ŭ kanale kampanii ŭ TikTok.

«Jeŭraopt» pakul nijak nie prakamientavaŭ źniknieńnie influensiera, zatoje Bondarava apublikavała abraźlivy dopis da «handlaroŭ z «Jeŭraopta» z zaklikam «valić» u Jeŭropu.

«Zapomnicie: vam nie miesca pobač z našymi dziećmi», — napisała prapahandystka i paabiacała jašče razabracca z tymi, chto zaprasiŭ Dzim Dzimyča vystupić na «Słavianskim bazary».

Tak vyhladaje abnoŭleny sajt «Jeŭraopta» sa školnymi tavarami ciapier. Skrynšot 25 lipienia 2023 hoda

Bondarava taksama źviarnułasia da staršyni rady dyrektaraŭ i hiendyrektara TAA «Jeŭrahandal» z patrabavańniem «nie spyniacca na dasiahnutym i ačyścić» ad Dzim Dzimyča jašče i rekłamu bonścikaŭ.

Tak vyhladaŭ sajt «Jeŭraopta» sa školnymi tavarami raniej. Skrynšot 21 lipienia 2023 hoda

Dzim Dzimyč — papularny biełaruski błohier, u jakoha ŭ TikTok amal 2 młn padpisčykaŭ, a ŭ YouTube — 4,5 młn. Jaho aŭdytoryja — u asnoŭnym školniki-padletki. U rolikach Dzim Dzimyča prapahandystku źbiantežyła toje, što jon źjaŭlajecca ŭ kadry ŭ adzieńni ružovaha koleru. Akramia taho, Bondarava znajšła ŭ sietcy žartaŭlivyja fatahrafii novaha kumira moładzi ŭ sukiency. Usio heta pierakanała hrodzienskuju aktyvistku ŭ tym, što Dzim Dzimyč nibyta zajmajecca «prapahandaj ŁHBT». Nie vyratavali błohiera navat vystupy na praŭładnych kancertach i chvalebnyja vodhuki ad BRSM.

Prapahandystka skłała z hetaj nahody kalektyŭny zvarot u MUS, MARH i Minadukacyi, u jakim abvinavaciła kiraŭnictva kampanii ŭ sprobie «pieratvaryć biełarusaŭ u kiravany natoŭp spažyŭcoŭ, naviazvajučy im praz rekłamu «modnyja» jeŭrapiejskija vyčvarenstvy ŭ jakaści «novaj narmalnaści».

Tak vyhladaje abnoŭleny sajt «Jeŭraopta» sa školnymi tavarami ciapier. Skrynšot 25 lipienia 2023 hoda

Kamientary3

  • Za Svabodu!
    26.07.2023
    Chto nie viedaje, Bondarava jašče i ŭstupiła ŭ kampartyju, łukašysckuju KPB, druhi sakratar ci to harkoma, ci to rajkoma ŭ Miensku. Tamu ŭ jaje hałavie kamuniaki,  ruskamircy i jabaćki žyvuć adnačasova. A heta ŭžo klinika. A tut jašče nianaviść da ružovana koleru...Psichijatry pacirajuć ruki.
  • Šlachcič Zavalnia
    26.07.2023
    Kohda sam čiort - to viezdie čierti mierieŝatsia
  • *
    26.07.2023
    Žhi dalšie, očkałopaja žaba, nie ostanavlivajsia )))

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Usie naviny →
Usie naviny

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady4

Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam3

Łukašenka paprasiŭ nie nazyvać jaho haspadzinam16

Hałoŭnakamandučy USU: Va Ukrainy jość płan viartańnia Kryma, i heta realistyčna4

Surjozna? Alimpijcy buduć płavać u Sienie? Nasamreč, afihienny prajekt adradžeńnia raki8

Paniadziełak staŭ samym haračym dniom u historyi nazirańniaŭ

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

bolš čytanych navin
bolš łajkanych navin

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Hałoŭnaje
Usie naviny →