Palitźniavolenamu Alaksieju Kuźminu prysudzili 7 hadoŭ kałonii ŭzmocnienaha režymu
U Minskim haradskim sudzie 18 vieraśnia abviaścili prysud palitźniavolenamu byłomu mieniedžaru MTS i salistu muzyčnaha hurta «Zakon huku» Alaksieju Kuźminu. Jon prachodziŭ pa hučnaj spravie «Čornaj knihi Biełarusi». Sud vynies toj samy prysud, jaki prasiŭ prakuror — 7 hadoŭ kałonii ŭzmocnienaha režymu.
Niahledziačy na toje, što ŭ lipieni palitviazień vymušana daŭ prapahandystam intervju z «pakajańniami», jaho ŭsio adno sudzili za «dapamohu ŭ raspalvańni inšaj sacyjalnaj varožaści hrupaj asob» i «aktyŭny ŭdzieł u dziejańniach, jakija hruba parušajuć hramadski paradak». A prysud nie adroźnivajecca ad tych, jakija zvyčajna vynosiacca pa padobnych abvinavačvańniach.
Alaksieja zatrymali 26 kastryčnika 2022 hoda i źmiaścili pad vartu. Zhodna ź viersijaj abvinavačańnia, z 9 žniŭnia 2020 hoda da 8 krasavika 2021 hoda jon, zajmajučy pasadu načalnika adździeła sistem pradbilinhu i taryfikacyi kiravańnia telekam-rašeńniaŭ Departamienta infarmacyjnych technałohij STAA «MTS» i majučy dostup da asabistaj infarmacyi klijentaŭ apieratara mabilnaj suviazi, «źlivaŭ» jaje ŭ telehram-kanały «Čornaja kniha Biełarusi», «Karniki Biełarusi», «Vsie narušienija!».
Pa spravie prachodzili nie mienš za 57 «paciarpiełych»: siłaviki, praŭładnyja žurnalisty, čynoŭniki, sudździ, prakurory i členy ich siemjaŭ. Siarod ich — prapahandystka Ludmiła Hładkaja, deputat Siarhiej Kliševič, praŭładny biznesmien Jaŭhien Aleksiajuk.
Taksama palitviaźnia sudzili za ŭdzieł u akcyi pratestu, dokazam jakoha źjaŭlajecca jahony fotazdymak na darozie.
Na sudzie Alaksiej vinu pryznaŭ całkam i «raskajaŭsia» ŭ ździejśnienym. Spravu razhladaŭ sudździa Siarhiej Chrypač.
«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»7
«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary