Žychara Maskvy asudzili na 13 hadoŭ za danat ukraincam na 50 jeŭra
Maskoŭski haradski sud prysudziŭ 34-hadovaha Alaksandra Krajčyka da 13 hadoŭ kałonii strohaha režymu pa spravie ab dziaržaŭnaj zdradzie (artykuł 275 KK). Prysud Krajčyku abviaścili 1 listapada, piša Miedyjazona.
Pa viersii śledstva FSB, 26 lutaha 2022 hoda, praz dva dni paśla pačatku poŭnamaštabnaha ŭvarvańnia Rasii va Ukrainu, Krajčyk achviaravaŭ 50 jeŭra na rachunak u Deutsche Bundesbank, adkryty dla zboru hrošaj u padtrymku armii Ukrainy.
Pieraśled Krajčyka pačaŭsia ŭ krasaviku minułaha hoda, kali da jaho na pracu pryjšli supracoŭniki FSB, jakija kanfiskavali jahony telefon. Paźniej mužčynu zatrymali, kali jon pasprabavaŭ palacieć u Stambuł, i aryštavali na piać sutak pa artykule ab drobnym chulihanstvie.
Zatym Krajčyku jašče try razy zapar pryznačyli aryšty pa pratakołach ab chulihanstvie i niepadparadkavańni palicejskamu (častka 1 artykuła 19.3 KaAP). Paśla zakančeńnia terminu apošniaha aryštu jaho zatrymali i pavieźli ŭ nieviadomym kirunku.
U červieni stała viadoma, što Krajčyka źmiaścili ŭ śledčy izalatar u Piermi ŭžo pa kryminalnaj spravie ab dziaržaŭnaj zdradzie.
Minčanka pakinuła stanoŭčy vodhuk na sumku — i raptam vykryła zdradu čužoha muža20
Kamientary