Ci mieŭ racyju Prejhierman, kali zaklikaŭ nie razhojdvać čovien?
Palityčny analityk Valer Karbalevič u čarhovym vypusku jutub-kanała «Tok» vykazaŭsia, ci mieŭ racyju Jaŭhien Prejhierman, kali pierad vybarami 2020 hoda ŭ «Našaj Nivie» zaklikaŭ nie razhojdvać čovien. Jon taksama nazvaŭ toje, što mahło prymusić Łukašenku syści ŭ 2020-m, i acaniŭ, ci pojdzie jon na sastupki zaraz.
U krasaviku 2020-ha hoda Jaŭhien Prejhierman, analityk, blizki da łukašenkaŭskich kołaŭ, vystupiŭ z prahramnym artykułam u «Našaj Nivie», u jakim pieraścierahaŭ demakratyčnyja siły ad razhojdvańnia čoŭna napiaredadni prezidenckich vybaraŭ.
Zhadvajučy toj artykuł, Karbalevič źviartaje ŭvahu, što aŭtar, kažučy ab tym, što nie treba razhojdvać i davodzić supiarečnaści da vostraha kanfliktu, faktyčna źviartaŭsia da tytulnaj apazicyi.
«Ale tytulnaja apazicyja pravaliła prajmieryz, i faktyčna sprava išła da bajkotu. I toje, što raptam na vulicy vyjšaŭ narod, było niečakana dla hetaj tytulnaj apazicyi. Adna častka ŭklučyłasia ŭ hetu baraćbu, paśpieła skoknuć u apošni vahon ciahnika, jaki adychodziŭ. A značnaja častka apazicyi, mnie padajecca, zastałasia na hetaj płatformie, jak, naprykład, Partyja BNF».
Druhi momant, na jaki źviartaje ŭvahu palityčny analityk, heta adsutnaść apanienta, da jakoha źviartaŭsia ŭ svaim artykule Prejhierman, bo na vulicy vyjšaŭ biełaruski narod. Jaho pradstaŭlała nie apazicyja.
«Voś u čym prablema. Tamu ciapier kali kazać, maŭlaŭ, nie treba było pačynać, to da kaho pretenzii? Nie da apazicyi, bo nie apazicyja była arhanizataram», — adznačaje Karbalevič.
Što mahło prymusić Łukašenku syści?
Zhadvajučy padziei 2020 hoda, Karbalevič nahadvaje, što pikam pratestu byŭ 16 žniŭnia, kali na vulicy biełaruskich haradoŭ vyjšła kala paŭmiljona čałaviek.
«Nie treba było adychodzić z vulicy. Revalucyi nie robiacca tolki ŭ niadzieli. Kali b paśla 16-ha ludzi zastalisia na vulicy, to heta było b realnaj situacyjaj, kali b možna było dasiahnuć raskołu dziaržaŭnaha aparatu, raskołu siłavikoŭ».
Karbalevič pryhadvaje, što siłaviki byli mocna demaralizavanyja tym, što adbyłosia ŭ pieršyja try dni paśla vybaraŭ, kali šmat kaho z udzielnikaŭ pratestaŭ źbili. Heta pryznali jak ministr unutranych spraŭ Karajeŭ, tak i Łukašenka.
«I siłaviki pakinuli vulicy na hety čas. A Kreml uziaŭ paŭzu i čakaŭ, što adbudziecca ŭ Biełarusi. 7—10 dzion paśla vybaraŭ rasijskija dziaržaŭnyja telekanały realna pakazvali situacyju ŭ Biełarusi. Prosta ŭ hety čas nie było lidaraŭ. Usie lidary byli aryštavanyja. Heta było dalnabačnaje rašeńnie Łukašenki», — uzhadvaje padziei leta 2020 hoda Karbalevič.
Na dumku Karbaleviča, pratestoŭcam treba było atačać nie rezidencyju Łukašenki, a Vaładarku i Akreścina, kab vyzvalić palitźniavolenych. Heta byŭ by pieršy pieramožny krok.
Adychod ludziej z vulicy Karbalevič ličyć «fatalnaj pamyłkaj». «Dziaržaŭny aparat nabyŭ moc. Jon ubačyŭ, što z kožnaj nastupnaj niadzielaj ludziej usio mienš i mienš. Nu i paźniej Rasija rašuča padtrymała Łukašenku».
Karbalevič adznačaje, što 2020 hod pakinuŭ vializny śled u biełaruskim hramadstvie. Mahčyma, jon budzie nazvany samaj jarkaj padziejaj najnoŭšaj biełaruskaj historyi.
«Padziei 2020 hoda nie prajšli daremna. Jany buduć mieć svoj upłyŭ. Heta budzie punktam adliku. I tamu kazać, što kab nie 2020-ty hod, to ŭsio było b dobra, što jon šturchnuŭ Biełaruś u trahičny kirunak… U peŭnym sensie tak. Ale heta karotkaterminovy padychod. U doŭhaterminovym, jak mnie dumajecca, 2020-ty hod byŭ vielmi mocnym ruchavikom u biełaruskaj historyi».
Ci pojdzie Łukašenka na sastupki
Na dumku Karbaleviča, mocnaja traŭma, atrymanaja ŭ 2020-m hodzie, nie dazvalaje Łukašenku spynić represii. I spadziavacca, što heta adbudziecca pry hetym palityčnym režymie, nie treba.
«Heta čysta psichałahičnaja reč. Jon pomścić usim, chto byŭ suprać jaho».
Akramia taho, palityčny analityk źviartaje ŭvahu na adnu sistemnuju reč. «Łukašenka ŭbačyŭ, što bolšaść suprać jaho. Što b jon ni kazaŭ, jak by ni raskazvaŭ pra tyja nibyta 80 pracentaŭ, jakija jon nibyta atrymaŭ, sam jon razumieje i pamiataje, jak nie moh pieramiaščacca na aŭtamabili pa horadzie Minsku, a tolki na viertalocie. Jon sam kazaŭ, što schavanyja praciŭniki i ŭ vykankamach siadziać, i ŭ niejkich dziaržaŭnych ustanovach. Tamu, kab u takoj situacyi ŭtrymacca pry ŭładzie, patrebny vielmi žorstki represiŭny režym, bo, pavodle jaho, moža być novy vybuch.
Hety režym moža ŭtrymacca pavodle madeli «krepaść u abłozie». Dziela hetaha patrebna ŭsialakaje napružańnie ŭnutry krainy, pošuk «piataj kałony» ŭnutry krainy i pastajannaje zmahańnie z vorahami vakoł. Tamu adbyvajecca nahniatańnie napružanaści ŭ adnosinach z susiedziami».
Karbalevič adznačaje, što paśla 2020-ha pryncypova źmianiłasia palityčnaja situacyja.
Padčas raniejšych prezidenckich vybaraŭ Łukašenka bačyŭ, što suprać jaho vystupaje apazicyja, jakaja nie abapirajecca na padtrymku bolšaści, tamu dastatkova było represavać lidaraŭ.
Paśla 2020 hoda situacyja mocna źmianiłasia. «Jon nie abapirajecca na padtrymku bolšaści, tamu, kab utrymać uładu, patrebnaja pastajannaja praca represiŭnaj mašyny.
Ja nie dumaju, što va ŭmovach siońniašniaha palityčnaha režymu Łukašenka pojdzie na niejkija sastupki va ŭnutrypalityčnym płanie», — miarkuje palityčny analityk Valer Karbalevič.
Hladzicie całkam:
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ1
Kamientary