Zdareńni11

U Viciebskim rajonie sotni šeršniaŭ atakavali ludziej na turbazie, adnaho čałavieka ledź adratavali

Nadzvyčajnaje zdareńnie adbyłosia na voziery Biełaje pablizu turbazy «Vierasy» Viciebskaha rajona, paviedamiła vydańnie «Vićbičy».

Zdymak ilustracyjny. Fota: gstudioimagen / vecteezy.com

«Kali my prybyli na miesca, ubačyli lažačaha napałovu ŭ vadzie, — mabyć, jon chacieŭ vyratavacca ŭ voziery, — pasiniełaha aciokłaha čałavieka biez prytomnaści.

Nad pakusanym mužčynam praciahvaŭ kružyć roj šeršniaŭ, — raskazaŭ načalnik dziažurnaj źmieny haradskoha adździeła pa nadzvyčajnych situacyjach Dźmitryj Palinski. —

My kinulisia ratavać paciarpiełaha, choć taksama atrymali ŭkusy. Pačali reanimavać, vykarystoŭvajučy tyja srodki, što ŭ ratavalnikaŭ zaŭsiody pad rukoj: śpiecyjalny miašok štučnaj vientylacyi lohkich (efiektu jon nie daŭ), zatym bałon sa ścisnutym pavietram i kisłarodnuju masku.

Čałaviek amal nie padavaŭ prykmiet žyćcia. U niejki momant mnie navat zdavałasia, što jon užo miortvy, ale ledź adčuvalnaje pieraryvistaje dychańnie ŭsialiła nadzieju, i my praciahnuli štučnuju vientylacyju lohkich. Paralelna raścierli ŭ parašok antyhistaminnyja tabletki i ŭsypali ich u rotavuju paražninu paciarpiełaha, kab asłabić alerhiju ad ukusaŭ.

Čałaviek aprytomnieŭ, navat pasprabavaŭ razmaŭlać. Prybyła chutkaja miedycynskaja dapamoha, my pieradali mužčynu miedrabotnikam, jaho špitalizavali».

Druhi paciarpieły, jaki atrymaŭ našmat mienš ukusaŭ i mieŭ nie takuju vyjaŭlenuju alerhičnuju reakcyju, zdoleŭ jašče da prybyćcia ratavalnikaŭ i «chutkaj» samastojna adbiehčy na biaśpiečnuju adlehłaść, dapamohu jamu akazali inšyja ludzi, što tut adpačyvali.

Paśla ataki na ludziej šeršni ablapili staruju biarozu niepadalok — na joj raźmiaščałasia ich hniazdo — i bolš nie prajaŭlali cikavaści da navakolnych ludziej.

Čamu šeršni pavodzili siabie tak ahresiŭna? Načalnik haradskoj i rajonnaj inśpiekcyi pryrodnych resursaŭ i achovy navakolnaha asiarodździa Siarhiej Łazuka vykazaŭ zdahadku, što ludzi, chutčej za ŭsio, niečym napałochali siamiejstva šeršniaŭ:

«U adroźnieńnie ad vos, šeršni, jak praviła, nie napadajuć na ludziej, kali tyja ich nie turbujuć. Dziejničaje pryncyp: čałaviek nie kranaje nasiakomaje, i jano jaho nie zaŭvažaje.

Ukus šeršniaŭ balučy i moža być śmiarotna niebiaśpiečnym dla alerhikaŭ. Kali vy raptam ubačyli hniazdo šeršniaŭ, lepš spakojna adydzicie — rezkija ruchu mohuć być rascenienyja jak pahroza i pasłužać sihnałam da ataki.

Tym bolš nie varta samastojna źbivać vulli šeršniaŭ — jany hetaha nie darujuć i atakujuć usioj šmatlikaj siamjoj. Pry hetym šeršań moža ŭkusić čałavieka niekalki razoŭ biez škody dla siabie ŭ adroźnieńnie ad pčoł, jakija zvyčajna hinuć paśla razavaha kantaktu».

Kamientary1

  • Freddy
    22.08.2023
    nie lubiat šieršni ruskich.

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Usie naviny →
Usie naviny

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

U Italii zatrymali biełarusa, abjaŭlenaha ŭ vyšuk na radzimie4

bolš čytanych navin
bolš łajkanych navin

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Hałoŭnaje
Usie naviny →