U Kitai z 10 žniŭnia admienienyja abmiežavańni na hrupavyja pajezdki ŭ 70 krain, u tym liku i ŭ Biełaruś. Pra heta rašeńnie abjaviła Ministerstva kultury i turyzmu KNR, a źviazana jano z palapšeńniem epidemičnaj situacyi ŭ bolšaści rehijonaŭ śvietu, paviedamlaje Office Life.
Siarod krain, kudy ciapier možna adpraŭlać hrupy turystaŭ z Kitaja — ZŠA, Japonija, Indyja, Hiermanija, Vialikabrytanija, Paŭdniovaja Kareja, Turcyja i inšyja dziaržavy.
Kitaj zdymaje abmiežavańni paetapna. Pieršy śpis z 20 krain, kudy byli dazvolenyja hrupavyja tury, byŭ pryniaty ŭ studzieni i ŭklučaŭ Rasiju, Tajłand, Kubu i inšyja napramki. U sakaviku ŭłady KNR adkryli dla svaich turystaŭ jašče 40 krain.
Pavodle źviestak biełaruskaj statystyki, u 2018 hodzie našu krainu naviedała 3277 kitajskich turystaŭ, a ŭ 2019-m — 5621.
Hramadzianie Kitaja — śpiecyfičnaja katehoryja padarožnikaŭ. Jany lubiać hrupavyja tury, jakija składajuć 60% usiaho vyjaznoha kitajskaha turyzmu. Padčas takich pajezdak jany traciać vielmi šmat hrošaj.
Letaś biełaruskija ŭłady navat abmiarkoŭvali prajekt budaŭnictva śpiecyjalnych sanatoryjaŭ, aryjentavanych mienavita na kitajskich turystaŭ.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary