Hurt Irdorath źbiraje hrošy na adnaŭleńnie dziejnaści. Jaho ŭdzielniki niadaŭna vyjšli z kałonii
Muzyki hurta Irdorath praciahvajuć zbor srodkaŭ na reabilitacyju paśla kałonii, adaptacyju ŭ novaj krainie, a hałoŭnaje — na adradžeńnie tvorčych prajektaŭ.
Muzykaŭ Irdorath zatrymali 2 žniŭnia 2021 hoda.
Paźniej ich pryznali vinavatymi pa artykule 342 KK («Arhanizacyja abo padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich»). Uładzimir i Nadzieja Kałačy atrymali pa 2 hady kałonii, Anton Šnip, Piotr i Julija Marčanki — pa 1,5 hoda kałonii.
Paśla vyzvaleńnia, adsiedzieŭšy ŭvieś termin, muzyki vyjechali za miažu i abviaścili zbor hrošaj.
«Paśla vyzvaleńnia nam niezakonna zabaranili vyjezd z krainy, ale pry dapamozie BYSOL my zmahli źjechać ź Biełarusi. Režymu nie ŭdałosia nas złamać, i my chočam dalej praciahvać zajmacca mastactvam, padtrymlivajučy i natchniajučy biełarusaŭ.
Ciapier my ŭ biaśpiecy, ale majem patrebu ŭ finansavaj padtrymcy.
Za čas, što my byli ŭ kałonii, naša tvorčaść dziakujučy vam nie była zabytaja. I my majem namier praciahnuć svaju spravu, jak tolki znoŭ adčujem hlebu pad nahami.
Suma zboru — €10 500. Srodki patrebnyja na reabilitacyju paśla kałonii i adaptacyju ŭ novaj krainie. Ale bolšaja častka pojdzie na adradžeńnie našych tvorčych prajektaŭ — my chočam adnavić muzyčnyja instrumienty i abstalavańnie, kab praciahvać natchniać biełarusaŭ», — pišuć muzyki.
Čytajcie taksama:
Vypuścili mierč «Miensk — horad palitviaźniaŭ», častka jakoha idzie na danaty
U Biełaruskim domie Varšavy adkryli murał «Niaskoranych biełarusaŭ»
Pośpiech marafonu «Nam nie ŭsio adno!» nahadaŭ pra dylemu, pierad jakoj stajać łukašysty
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?2929
Kamientary