Terminovyja ŭkłady ŭ biełaruskich rublach. Ci zastaniecca vyhada praz hod z ulikam devalvacyi? 

Vysokija pracenty i nizkija vyniki

Stanam na pačatak žniŭnia, biełaruskija rubli možna pakłaści na biezadzyŭny ŭkład na hod pad 10,6% hadavych. Naprykład, taki pracent prapanuje najbujniejšy bank krainy — Biełarusbank.

Ale minułym letam staŭki byli vyšejšyja. Samym vyhadnym u lipieni 2022 byŭ depazit ź fiksavanaj staŭkaj 20% na 13 miesiacaŭ. (Prybytak ad układaŭ z terminam bolšym za 1 hod nie abkładajecca padatkam, tamu banki čaściakom prapanujuć rabić układ na 13, a nie 12 miesiacaŭ.)

Dla zručnaści raźlikaŭ voźmiem sumu 10 000 rubloŭ, što pa tahačasnym kursie Nacyjanalnaha banka raŭniałasia 3850 dalaram ZŠA.

Praz 13 miesiacaŭ zamiest 10 tysiač rubloŭ vy b atrymali 12 166 rubloŭ. To-bok čysty prybytak składaje 2166 rubloŭ. Niabłaha, ale heta ŭ nacyjanalnaj valucie.

Kali pieravieści rubli ŭ dalary pa aktualnym kursie Nacbanka, my atrymajem 3940 dalaraŭ ZŠA. Takim čynam, atrymany prybytak za 13 miesiacaŭ składzie ŭsiaho 90 dalaraŭ ZŠA.

Ci vyhadniej rabić układy ŭ valucie?

Pracentnyja staŭki pa depazitach u valucie ciapier u ramkach chibnaści. Za amierykanskuju valutu, naprykład, možna raźličvać na 0,3% hadavych, kali razhladać układy terminam na 1 hod.

Ź jeŭra situacyja jašče bolš sumnaja, nastupnaja ličba paśla koski — taksama 0. Kali heta ŭkład na hod, to banki prapanujuć 0,05% hadavych u jeŭra.

Pavialičyć

Ale letaś situacyja vyhladała zusim inakš. Praz toje, što z pačatkam vajny ludzi pačali masava zdymać hrošy z układaŭ, banki byli zacikaŭlenyja ŭ tym, kab ich pryciahnuć. Tamu minułym letam staŭki pa valutnych depazitach byli nierealna vysokija.

U dalarach ZŠA možna było adkryć biezadzyŭny depazit ź fiksavanaj staŭkaj da 6% hadavych.

Takim čynam, ź letašnich 3850 dalaraŭ praz hod paśla apłaty padatku ŭ vas było b užo $4050. Čysty prybytak z takoj sumy ŭ takim vypadku skłaŭ by 200 dalaraŭ ZŠA. Heta ŭ dva razy bolš, čym u vypadku z rublami.

Jaki depazit vyhadna adkryvać u 2023 hodzie?

Ciapier valutnyja ŭkłady stali nastolki niavyhadnymi, što jany navat blizka nie pakryjuć inflacyjnyja straty. Ctaŭki pa rublovych depazitach taksama mocna prasieli ŭ paraŭnańni ź minułym hodam.

Ale varta adznačyć, što bankaŭskija ŭkłady źjaŭlajucca instrumientam nie dla prymnažeńnia nazapašvańniaŭ, a dla ich źbierahańnia. Chacia pry ŭdałych abstavinach rublovyja depazity mohuć prynieści niebłahi prybytak. Ale dla hetaha treba, kab kurs zastavaŭsia stabilnym, a staŭki vysokimi. Letaś sapraŭdy byli pieryjady, kali na karotkaterminovych (3—6 miesiacaŭ) biezadzyŭnych układach u rublach možna było padzarabić, bo biełaruski rubiel letaś jak zaŭvažna prasiadaŭ, tak i ŭmacoŭvaŭsia.

Čytajcie taksama: 

Dalar, jeŭra ci kitajski juań? Zachoŭvańnie hrošaj u jakoj z valut akazałasia samym vyhadnym za minuły hod

Čamu ŭ Pieciarburhu masava harać novyja aŭtobusy MAZ? Nastupstvy sankcyj

• 11
• 0
• 3
• 3
• 1
• 5
• 1
• 0