Adzin tydzień — i na vašaj navałačcy nazapasicca ŭ 17 tysiač razoŭ bolš bakteryj, čym na stulčaku ŭnitaza
Mienavita taki vynik pakazała niadaŭniaje ekśpierymientalnaje daśledavańnie bujnoj kampanii AmeriSleep.
Našy navałački za tydzień biez myćcia źbirajuć na sabie ŭ 17 tysiač razoŭ bolš bakteryj,čym ich zvyčajna isnuje na siadzieńni tualeta. Pra heta 27 červienia paviedamiła vydańnie Daily Mail sa spasyłkaj na daśledavańnie bujnoj amierykanskaj kampanii AmeriSleep.
Hetaja kampanija, jakaja vyrablaje matracy, znajšła niekalkich dobraachvotnikaŭ, jakija pahadzilisia na praciahu čatyroch tydniaŭ davać svaje niamytyja navałački dla analizu stupieni ich zabrudžanaści.
U vyniku daśledavańnia vyjaviłasia, što ŭžo praz adzin tydzień niamytyja navałački rabilisia sapraŭdnaj «bakteryjalnaj bombaj».
«Našy analizy pakazali, što niamytyja navałački (asabliva z bavoŭny i šoŭku) praz tydzień robiacca domam dla hihanckaj kolkaści bakteryj. U siarednim vychodzić ad troch da piaci miljonaŭ bakteryjalnych adzinak na 6,5 kvadratnaha santymietra płoščy navałački. Heta ŭ 17 tysiač razoŭ bolš, čym možna znajści na abadku ŭnitaza», — zajaŭlaje kampanija AmeriSleep pa vynikach daśledavańnia.
Adznačajecca, što znojdzienyja na brudnych navałačkach bacyły, hrybki i inšyja mikroby mohuć vyklikać zachvorvańni skury i vačej, endakardyt, mieninhit, pnieŭmaniju, infiekcyi aporna-ruchalnaha aparatu i navat sindrom taksičnaha šoku.
Akramia taho, admierłyja čaścinki skury čałavieka razam z potam i ślinaj — heta vydatnaja prynada dla pyłavych klaščoŭ.
Daśledčyki rekamiendujuć jak maha čaściej myć navałački i mianiać paściel, kab źbierahčy svajo zdaroŭje. Na žal, ludzi mianiajuć paścieli ŭ siarednim tolki raz na 24 dni.
Nahadajem, što jašče ŭ sakaviku navukoŭcy vyśvietlili, što na šmatrazovaj butelcy dla vady moža znachodzicca ŭ 40 tysiač razoŭ bolš bakteryj, čym na abadku ŭnitaza.
Čytajcie jašče:
Ci treba bajacca mikrobaŭ u hramadskich prybiralniach?
Jak časta treba mianiać pižamu? Čaściej, čym vy dumajecie
Doŭha zasynajecie pa načach? Voś što možna z hetym zrabić — karysnyja parady
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj30
Kamientary