Pierad sudom paŭstaŭ były namieśnik dyrektara pa spartyŭnych pytańniach i trenier kłuba FK «Šachcior» Uładzimir Niderhaus.
Zrešty, jak stała viadoma padčas suda, da zatrymańnia jon byŭ biespracoŭnym, pakolki ŭ jaho skončyŭsia kantrakt z salihorskim kłubam. Viadoma, što abvinavačany maje padvojnaje hramadzianstva — Hiermanii i Rasii. Jon uradženiec Kazachstana, jak piša BiełTA.
U pačatku suda Niderhaus zajaviŭ chadajnictva ab vyrašeńni pytańnia pra ŭniasieńnie na depazitny rachunak Minskaha haradskoha suda hrašovych srodkaŭ u jakaści harantyi apłaty štrafu. Sud zadavoliŭ hetaje chadajnictva.
Paśla abviaščeńnia abvinavačvańnia dziaržaŭnym abvinavaŭcam Niderhaus paviedamiŭ, što pryznaje vinu całkam.
Uładzimir Niderhaus — kazachstanski i rasijski futbalist, napadajučy niamieckaha pachodžańnia. U minułym viadomy pa vystupleńniach za futbolny kłub «Rotar» (Vałhahrad), u jakim na praciahu piaci hadoŭ byŭ najlepšym bambardziram i lidaram kamandy. U 1990-ja jon navat zhulaŭ adzin matč za zbornuju Rasii i čatyry — za zbornuju Kazachstana, adkul jon rodam.
Paśla zaviaršeńnia prafiesijnaj hulniavoj karjery ŭ 2000 hodzie žyŭ u Hiermanii, taksama pracavaŭ u Rasii i Kazachstanie. Z 2021 hoda pa studzień 2023 hoda byŭ spartyŭnym dyrektaram salihorskaha «Šachciora».
Praz skandał z damoŭnymi matčami ŭ čempijanacie Biełarusi salihorski «Šachcior» i minski «Enierhietyk» pazbavili čempijonstva i siarebranych miedaloŭ adpaviedna ŭ minułym siezonie, kluby adchilenyja ad jeŭrakubkaŭ, aštrafavanyja na 30 i 20 ačkoŭ u hetym siezonie, a taksama na nastupny.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»24
Kamientary